Kate Bush

Catherine "Kate" Bush CBE (* 30 Julie 1958) is 'n Engelse sangeres, liedjieskryfster, musikant en platevervaardiger wat internasionale sukses behaal het met haar eklektiese musiekstyl, dikwels romantiese en poëtiese liedtekste en rare sangstem (wat deur 'n album van Lotte Lenya geïnspireer is).^[1]

Kate Bush
Agtergrondinligting
Geboortenaam	Catherine Bush
Gebore	30 Julie 1958 (1958-07-30) (66 jaar oud) Sidcup, Kent, Engeland
Genres	Kunsrock Eksperimentele rock Barokpop Alternatiewe rock Progressiewe rock
Beroep(e)	Sangeres Liedjieskryfster Musikant Platevervaardiger
Instrumente	Stem, klavier, klawerbord, baskitaar, viool
Jare aktief	1975 - hede
Etikette	Fish people/Virgin EMI, Columbia, Legacy, Anti
Assosiasies	David Gilmour • Peter Gabriel
Webwerf	www.katebush.com

In 1978 het Kate Bush in die ouderdom van 19 jaar met haar debuut-enkelsnit Wuthering Heights boaan die Verenigde Koninkryk se enkelsnit-trefferlys gestaan en sodoende die eerste vroulike musikant geword wat dié topposisie met 'n selfgeskrewe lied behaal het. Bush het sedertdien tien albums opgeneem waarvan drie boaan die Verenigde Koninkryk se album-trefferlys gestaan het. 25 van haar enkelsnitte het die VK se top-veertig-trefferlys bereik, insluitende ses treffers wat die top-tienlys behaal het - Wuthering Heights, The Man with the Child in His Eyes, Babooshka, Running Up that Hill (wat in 2012 nog eens as hermengde weergawe vrygestel is), Don't Give Up ('n duet met Peter Gabriel) en King of the Mountain.

‎Ateljeealbums

• The Kick Inside (1978)
• Lionheart (1978)
• Never for Ever (1980)
• The Dreaming (1982)
• Hounds of Love (1985)
• The Sensual World (1989)
• The Red Shoes (1993)
• Aerial (2005)
• Director's Cut (2011)
• 50 Words for Snow (2011)

Verwysings

1. Pieter van der Lugt: Bevoorregte Kate in wêreld van groot musiekgeeste. In: Die Burger, Snuffelgids/Naweekjoernaal, 12 November 1993^{[dooie skakel]}