Jocelyn Bell Burnell

Jocelyn Bell Burnell (*1943) is 'n Britse astrofisikus wat in 1967 as nagraadse student die eerste radiopulsars ontdek het. Sy deel die erkenning van die ontdekking met haar destydse studieleier, Anthony Hewish. Sy is tans president van die Instituut vir Wetenskappe, 'n wetenskaplike liefdadigheidsorganisasie met die doel om die uitoefening, begrip en toepassing van wetenskap te bevorder.

Jocelyn Bell Burnell
J. Bell Burnell in 2009
Doopnaam	Susan Jocelyn Bell
Geboorte	15 Julie 1943; Noord-Ierland
Beroepsveld	Astrofisika
Vernaamste prestasie	Ontdekking van die eerste 4 pulsars

Die dokument wat die ontdekking van pulsars aangekondig het, het vyf outeurs gehad, met Hewish se naam eerste, gevolg deur Bell s'n. Die Nobelprys vir Fisika is in 1974 aan Dr. Hewish toegeken vir hierdie ontdekking (gedeel met die sterrekundige Martin Ryle), sonder dat Bell enige erkenning ontvang het. Hierdie toekenning het omstredenheid veroorsaak en is deur Hewish se medesterrekundige, Sir Fred Hoyle, sterk afgekeur.^[1] Die befaamde Sowjetse sterrekundige Josif Sjklofski het Bell in 1970 tydens die Internasionale Sterrekundige Unie se Algemene Vergader genader en aan gesê: "Mejuffrou Bell, jy het die grootste sterrekundige ontdekking van die twintigste eeu gemaak".^[2]

Verwysings

1. Judson, Horace (20 Oktober 2003). "No Nobel Prize for Whining" (in Engels). New York Times. Geargiveer vanaf die oorspronklike op 16 Augustus 2009. Besoek op 3 Augustus 2007.
2. Oorspronklike Engelse aanhaling: "Miss Bell, you have made the greatest astronomical discovery of the twentieth century". Longair, Martin (2006). The Cosmic Century: A History of Astrophysics and Cosmology. Cambridge University Press. p. 196

Eksterne skakels

• Tick, Tick, Pulsating Star: How I Wonder What You Are? - Video (52:23) van die reeks "Royal Institution Discourse" deur die Vega Science Trust. Aangebied deur J. Bell Burnell.
• Jocelyn Bell Burnell - kort biografie met prestasies en toekennings.