Jansenville

Jansenville is 'n dorp in die Oos-Kaap, sowat 80 km suid van Graaff-Reinet. Dit is geleë in 'n streek wat as die Kamdeboo bekend staan.

Jansenville (ingesluit KwaZamukucinga)
Dorp
NG kerk Jansenville
Jansenville  Jansenville se ligging in Oos-Kaap
Koördinate: 32°56′36″S 24°40′02″O
Land	Suid-Afrika
Provinsie	Oos-Kaap
Distrik	Sarah Baartman
Munisipaliteit	Dr Beyers Naudé
Stigting	1855
Oppervlak [1]
• Totaal	24,9 km2 (9,6 vk. myl)
Bevolking  (2011)
• Totaal	5 612
• Digtheid	225/km2 (580/vk. myl)
	[1]
Rasverdeling (2011) [1]
• Wit mense	7.8%
• Indiërs/Asiërs	0.2%
• Bruin mense	48.7%
• Swart mense	42.9%
• Ander	0.5%
Taal (2011) [1]
• Afrikaans	65.4%
• Xhosa	30.7%
• Engels	1.7%
• Ander	2.2%
Poskode (strate)	6265
Poskode (posbusse)	6265
Skakelkode	049

Geskiedenis

Die dorpie het ontstaan toe die NG Kerk te Uitenhage gedurende 1854 besluit het om 'n nuwe gemeente in die noorde te stig. Die plaas Vergenoegd van P.J. Fourie is uitgekoop. Die plaas lê aan die oewers van die Sondagsrivier. Die dorp is 1855 geproklameer en genoem na JW Janssens, goewerneur van die Kaapkolonie tydens die Bataafse bewind van (1803-1806).

Die NG gemeente Jansenville is amptelik op 4 Februarie 1855 van die moedergemeente Uitenhage, die tweede oudste in die Oostelike Provinsie, afgestig, maar Graaff-Reinet en Somerset-Oos het ook wyke bygedra. Op sy beurt het Jansenville twee dogtergemeentes afgestaan, Waterford in 1919 en Klipplaat in 1944. Teen 2013 was dit die kleinste twee gemeentes in die Sinode van Oos-Kaapland, met onderskeidelik 47 en 40 belydende lidmate.

Landbou

Die belangrikste produkte is merinowol en sybokhaar. Daar is ook angorastoetplase in die gebied.

Sien ook

• Lys van dorpe in Suid-Afrika
• Noorsveld

Verwysings

1. Som van die hoofplekke Jansenville en KwaZamukucinga tydens die 2011-sensus.

• Op Pad in Suid-Afrika. B.P.J. Erasmus 1995 ISBN 1-86842-026-4

Eksterne skakels

• Wikimedia Commons het meer media in die kategorie Jansenville.