From Wikipedia, the free encyclopedia
Die Indiese Vloot (Hindi: भारतीय नौसेनाIAST: Bhāratīya Nau Senā, Engels: Indian Navy) is die vloottak van die Indiese Gewapende Magte. Die President van die Republiek Indië dien as opperbevelvoerder van die Indiese Vloot.[3] Die Hoof van Vlootpersoneel, gewoonlik 'n vierster-offisier met die rang van Admiraal, is die bevelvoerder van die vloot. Die Indiese Vloot is die vyfde grootste in die wêreld.[4] Dit het 'n belangrike rol gespeel in Indië se oorwinning in die 1971 Indo-Pakistani Oorlog.[5]
| Indiese Vloot | |
|---|---|
| Gestig | 1612 (tradisionele datum) |
| Land |  Indië |
| Onderdeel van | Indiese Gewapende Magte, (Ministerie van Verdediging, Republiek Indië) |
| Tipe | Vloot |
| Logo |  |
| Hoofkwartier | Nieu-Delhi, Indië |
| Aantal lede | 67 252 aktiewe personeel[1] 55 000 reserwemag[2] |
| Leuse | शं नो वरुणः (Sanskrit) Shaṃ No Varunaḥ ("Mag die Heerser van die Water vir ons geluk bring") |
| Mars | Jai Bharati |
| Kleur | Vlootblou, Wit |
| Uitrusting | 295 skepe (uitsl. ondersteuningskepe) Ongeveer 246 vliegtuie |
| Veldslae | Eerste Opiumoorlog Tweede Opiumoorlog Eerste Wêreldoorlog Tweede Wêreldoorlog |
Die herkoms van die Indiese Vloot kan terugspoor na die Oos-Indiese Maatskappy se Mariene wat in 1612 gestig is ter beskerming van Britse handelskepe in die streek. In 1793 is die Britse Oos-Indiese Kompanjie gestig wat geheers het oor die oostelike deel van die Indiese subkontinent d.w.s. Bengale, maar dit was eers in 1830 wat die koloniale vloot bekend geword het as Haar Majesteit se Indiese Vloot.
In 1858 is die Oos-Indiese Maatskappy se heerskappy vervang deur die Britse Raj, wat geheers het tot Indië onafhanklik geword het in 1947. Toe Indië 'n republiek geword het in 1950, is die Koninklike Indiese Vloot soos dit sedert 1934 genoem is, herdoop tot die Indiese Vloot. Die 17de eeuse Maratha keiser Chhatrapati Shivaji Maharaj word as die "Vader van die Indiese Vloot" beskou.[6][7][8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
