IPTV, 'n afkorting van Internet Protocol Television, verwys na die digitale verspreiding van televisieprogramme en rolprente oor 'n digitale datanet. Hiervoor word gebruik gemaak van die Internet-protokol (IP).
Die verspreiding van digitale video-gegewens vereis 'n hoë oordragsnelheid van tussen 6 en 16 Mbis/s vir HDTV-programme, afhangende van die kodering. IPTV-dienste baseer dus op hoëspoed-breëbandverbindings soos ADSL2, kabelmodems of VDSL en nuut-ontwikkelde metodes van datakompressie soos VC1 en H.264.
Tans is daar drie verskillende soorte IPTV:
- TV-uitsaaidienste,
- Video-op-aanvraag-dienste en
- internet-TV (waarmee gestoorde video's afgelaai en afgespeel kan word).
Die Internet-protokol is nie beperk op die internet self nie en verwys net na die metode wat vir die verspreiding van video-gegewens gebruik word; IPTV-dienste kan ook deur optiese vesel-, kabeltelevisie- en selfoonnetwerke versprei word. IPTV word onder meer deur sy interaktiwiteit gekenmerk: Aangesien IPTV in 'n soort aanlyn-omgewing aangebied word, is bykomende dienste beskikbaar.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
