Hoërskool Rustenburg se deure het op 31 Januarie 1922 in Rustenburg, Suid-Afrika geopen.
Rustenburg Hoërskool het sy deure op 31 Januarie 1922 geopen met mnr. J. J. Nel as skoolhoof. Aanvanklik was daar 5 onderwysers, maar teen die einde van die jaar het dit gegroei tot 10. Vanaf sy ontstaan was dit ‘n dubbelmedium skool wat ‘n groot plattelandse gemeenskap bedien het.
In 1922 word ‘n ou pastorie in Pleinstraat ingerig as die koshuis en staan bekend as “Jongenskoshuis”. In 1923 is Joubert-tehuis vir dogters geopen op die hoek van Plein- en Kerkstraat en het as koshuis gedien tot 1952, toe Huis Meisies opgerig is. ‘n Seunskoshuis word in 1927 opgerig waar Oom Paulskool vandag is en het as Residensiekoshuis bekend gestaan.
Mnr. Nel het egter ‘n visie vir groter en beter skoolgeboue gehad en op 11 Augustus 1939 word die hoeksteen van die huidige gebou gelê. Met die begin van die 1940-skooljaar kon 424 leerlinge en 18 onderwysers hul nuwe skool betrek. Met mnr. Nel se aftrede op 14 Desember 1948 (na 26 jaar diens) het die skool reeds 521 leerlinge en 26 onderwysers gehad.
Op 18 Januarie 1948 het mnr. H. C. Bredell se ampstermyn as hoof begin, wat 6 jaar sou duur. Gedurende dié tydperk groei die skool sterk en ‘n nuwe meisieskoshuis wat op 24 Maart 1954 ingewy is, word opgerig. Toe dr. M. Heyns in 1955 as hoof aangestel is, was die leerlingtal alreeds 919 met 38 onderwysers. In hierdie tydperk het daar grootskaalse mynontwikkelings plaasgevind met die gevolg dat die skool se getalle opgeskiet het en in 1959 was die Rustenburg Hoërskool die grootste hoërskool in Suidelik Afrika, met 1453 leerlinge.
In 1960 het die Hoërskool Bergsig afgestig met 447 leerlinge. In 1961 word dr. Heyns bevorder en neem mnr. C. Fourie oor as hoof tot 1070, mnr. J. Storm neem waar in 1971 en in 1972 neem mnr. J. W. Swanepoel oor as hoof, tot 1974. Gedurende hierdie tyd word baie veranderinge by die skool aangebring.
Vanaf 1973 het die Onderwysdepartement ‘n kennisgewing uitgereik dat die skool voortaan net Afrikaans as voertaal mag gebruik en Engelssprekende leerlinge is na die Handelskool wat vandag as Grenville High School bekend staan, oorgeplaas.
Vanaf Mei 1975 was mnr. J. D. Storm die hoof tot 1984 waarna mnr. C.D. Peyper as sewende hoof van Hoërskool Rustenburg die mantel oorgeneem het. Hy was aan die stuur van sake tot Augustus 1988, toe mnr. H. H. Venter oorgeneem het. Toe was daar 1145 leerlinge en 40 personeellede.
Die hoofde van die skool deur die jare was:
- Mnr. J.J. Nel: 1922-1948
- Mnr. H.C. Bredell: 1948-1955
- Dr. M. Heyns: 1955-1961
- Mnr. C. Fourie: 1961-1970
- Mnr. J. Storm: 1970-1971
- Mnr. J.W. Swanepoel: 1972-1974
- Mnr. J.D. Storm: 1974-1984
- Mnr. C.D. Peyper: 1984-1988
- Mnr. H.H. Venter: 1988-2004
- Mnr. J. Smit: 2004-2016
- Mnr. D. Greyling: 2016-2019
- Mnr. H. Pieterse: 2019-
1. Teen die hange van Magalies
met sy fiere Eeufeestop
deftig rys die Rustenburgse Hoërskool
teen die bloue hemel op;
wie se leuse, hoog en edel,
elke leerling moet bewaar: Ken jouself in woord en wandel,
wees getrou waar jy ook vaar. (2x)
2. Ken jouself by les en studie, op kultuur en sportgebied Ken jouself in die vervulling van jou naasteliefd’ en plig Eer en roem moet jy versamel vir jou skool en dorp alom; nie alleen in jongelingsjare maar tot gryse ouderdom. (2x)
3. Deur jou skool is jy ontwikkel Ja, gestaal ook vir die taak wat jy eendag so sorgvuldig sal moet uitvoer hier op aard. Dink terug aan lang vervloë blye jeugherinnerings, neem die grootste plek nog altyd, jy ons Skool, in harte in. (2x)
4. Teen die hange van Magalies met sy fiere Eeufeestop deftig rys teen bloue hemel, jy, my Hoërskool, altyd op. Ken jouself en bloei bestendig- ook die nakroos sal jou eer vir die volk deur jou gevorm- Vaderland en God tot eer! (2x)
Leerlinge by die skool kan aan verskillende sportkodes deelneem, soos:
Leerlinge in die skool kan ook deelneem aan die volgende kulturele aktiwiteite:
- Bernice van der Westhuizen - Sangeres
- Bettie Cilliers-Barnard - Skilder en grafiese kunstenaar
- Dwaine Pretorius - Krieketspeler
- Marius Ackermann - Skrywer
- Renske Stoltz - Netbalspeelster
- Sunette Viljoen - Olimpiese spiesgooier
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
