Die Historiese Ensiklopedie van Switserland is 'n projek wat die huidige kennisstand ten opsigte van die geskiedenis van Switserland in 'n ensiklopedie versamel. Die ensiklopedie, wat in 1988 onder die patronaat van die Switserse Akademie van Geestes- en Sosiale Wetenskappe en die Switserse Vereniging vir Geskiedenis begin is, word deur die Stigting Historiese Ensiklopedie van Switserland in Duits, Frans en Italiaans uitgegee. Die projek word deur die Switserse Konfederasie met belastinggeld befonds. Naas sowat veertig redaksionele mederwerkers dra meer as 2 500 outeurs tot die projek by. Die geskiedkundige Marco Jorio fungeer as hoofredakteur.
Die eerste boekdeel van die ensiklopedie is in 2002 gepubliseer. In 2014 is die projek met die dertiende boekdeel voltooi. Die ensiklopedie bevat 60 000 inskrywings oor persoonlikhede, families, nedersettings en ander onderwerpe. Sy historiese voorloper was die Histories-Biogrfiese Ensiklopedie van Switserland (Historisch-Biographisches Lexikon der Schweiz, HBLS) wat tussen 1921 en 1934 deur Victor Attinger uitgegee is.
Die volledige uitgawe van die ensiklopedie word in drie landstale - Duits, Frans en Italiaans - gepubliseer. Alle oorspronklike bydraes van outeurs word in die ander tale vertaal. Sedert 1999 word ook jaarliks publikasies in Retoromaans, die vierde landstaal van Switserland, uitgegee. Die eerste twee boekdele van die Retoromaanse Lexicon istoric retic (LIR) het in 2010 en 2012 in Rumantsch Grischun verskyn. Die Retoromaanse uitgawe van die ensiklopedie fokus op die historiese en kulturele ontwikkeling van die huidige drietalige kanton Graubünden en aangrensende gebiede.
Sedert 1998 is 'n aanlynuitgawe van die ensiklopedie beskikbaar. Hierdie sogenaamde e-HLS (e-DHS; e-DSS) bevat 'n lys van inskrywings en alle artikels wat deur die eindredaksie vrygestel is, maar geen afbeeldings nie. Op 27 Mei 2019 is die hersiene aanlynuitgawe met skakels en multimedia-leêrs geloods.[1] Die Retoromaanse e-LIR is sedert 2004 beskikbaar.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.