François Bloemhof is 'n bekroonde Afrikaanse skrywer, dramaturg, komponis en rolprentresensent. Bloemhof verwerf bekendheid as skrywer vir volwassenes, maar later ook vir tieners en die jeug. Hy skryf aanvanklik tydskrifverhale en debuteer in 1991 met Die nag het net een oog, wat die debuutprys in De Kat/Antenne/Sanlam se romanwedstryd ontvang. Dit word as die eerste Gotiese riller in Afrikaans beskou.[1] Hy het ook onder die skuilnaam Leo Bekker geskryf.
François Bloemhof | |
|---|---|
| Gebore | 15 September 1962 |
| Nasionaliteit | Suid-Afrika |
| Beroep | Skrywer |
| Webwerf | http://www.francoisbloemhof.net |
François Bloemhof is op 15 September 1962 in die Paarl, Wes-Kaap, Suid-Afrika gebore. In graad 9 het sy Engels-onderwyseres hom 97% vir die kortverhaal Murder by the Number gegee en hy beskou dit as die begin van sy skryfloopbaan. In graad 11 het hy die Amstel Playwright of the Year Award gewen met A Social Gathering.
Hy het nie ’n roman probeer skryf voor hy al ’n paar jaar uit die skool was nie, hoofsaaklik omdat hy gemeen het daar is nie plek vir “sy soort storie” in wat toe nog ’n redelik konserwatiewe Afrikaanse mark was nie. Die nag het net een oog was ’n Gotiese roman wat afspeel in ’n klein (en heeltemal ongotiese) plattelandse gemeenskap. Hy het in 1991 daarmee die De Kat-prys gewen, toe die land se aansienrykste literêre toekenning.
Baie boeke vir volwassenes het hierop gevolg, asook talle toekennings en nominasies. Bloemhof se volwasse werk verken spannings-, bonatuurlike en meer konvensioneel dramatiese temas. Hy het ook ’n reeks boeke oor ’n geheime agent (Rooi Luiperd) en die vrouespeurder Alma van der Pool die lig laat sien, albei eerste in hul soort op die Afrikaanse boekterrein. Tot op hede het hy ook ’n kabaret, die verfilmde rolprentdraaiboek Double Echo, bekroonde verhoogstukke en radiodramas en -vervolgverhale gelewer.
Hy skryf ook vir tieners en het verskeie pryse in kompetisies (onder meer Sanlam, MML en FNB) gewen met boeke soos Slinger-slinger, Die dae toe ek Elvis was, Stad aan die einde van die wêreld en Nie vir kinders nie.
Daar is agt titels in Bloemhof se rillerreeks vir jong lesers. Dit was gereelde wenners van ATKV-Veertjies, ’n jaarlikse kompetisie waar lesers van die betrokke ouderdomsgroep self die inskrywings evalueer. Die skrywer se jongste jeugreeks, 'n trilogie, heet Spooksoeker.
Bloemhof was die eerste Afrikaanse skrywer om ’n strokiesreeks te publiseer, die Agent Snoet-boeke waarin ’n oningeligte geheime agent bygestaan word deur sy getroue maar dominerende Siamese kat, Felino.
Wêreld-eerstes deur hierdie skrywer was ’n interaktiewe koerantvervolgverhaal (in Rapport); ’n jeugroman met sy eie rekenaarspeletjie; ’n Flipom, wat ’n twee-in-een-boek is met twee voorblaaie wat van enige kant af gelees kan word, met dieselfde karakters in albei stories (een grillerig en een wetenskapfiksie); en ’n roman met ’n selfgekomponeerde klankbaan-CD uitgevoer deur bekende Suid-Afrikaanse musikante en sangers.
Bloemhof het reeds tientalle boeke vir verskillende ouderdomsgroepe die lig laat sien.
Kortverhaal
Vir volwassenes
- Die Nag Net Net Een Oog (1991)
- Die Duiwel se Tuin (1993)
- Koue Soen (1994)
- Bloedbroer (1995)
- Storieboek (1996)
- Mooidraai Basuin (tydskrifbundel) (1997)
- Nagbesoeker (1997)
- Hostis (1998)
- Klipgooi (1999)
- ’n Tweede Asem vir Jan A (2001)
- Spinnerak (Alma van der Pool #1) (2006)
- Jagseisoen (Alma van der Pool #2) (2007)
- Rooi Luiperd (Mark Steyn #1) (2008)
- Harde Woorde (Alma van der Pool #3) (2009)
- Afspraak in Venesië (Mark Steyn #2) (2009)
- Die Onbekendes (2010)
- Die Genesis-faktor (Mark Steyn #3) (2010)
- Helse Manier van Koebaai Sê (Mark Steyn #4) (2011)
- Jy-weet-wie (2012)
- Moord in die Beloofde Land (2013)
- Pad Na Jou Hart (2013)
- Die Vierde Stem (2014)
- Vir Altyd (2014)
- Vir die Voëls (2016)
- Doodskoot (Engels: Double Echo) (2016)
- Dieretuin (Engels: Feeding Time) (2017)
- Vergeet My Nie (2019)
Vir tieners
- Slinger-slinger (1997)
- Die Wit Huis (1998)
- Die Dae Toe Ek Elvis Was (2002)
- Nie Vir Kinders Nie (2005)
- Stad aan die Einde van die Wêreld (2007)
- City at the End of the World (2009)
- Moenie dat die Grootmense Hoor Nie (2009)
- Liefde, Moord en Facebook (2015)
Vir jong lesers (9 tot 12)
- Middernagland (1996)
- Die Vrou met die Pers Oog* (1996)
- Donkerwoud* (1996)
- Die Waterding* (1997)
- Kamer 13* (1998)
- Die Speletjie* (1999)
- Kry Vir Jou, Ou Langklou* (2000) (titel Ou Langklou in 2012-heruitgawe)
- Hospitaaltyd* (2002)
- Agent Snoet en die Botterdiamant (2002)
- Vampiere in Londen* (2004) (titel Die Vampiere van Londen in 2013-heruitgawe)
- Agent Snoet en die Kattekwaad (2005)
- Agent Snoet en die Hondelewe (2008)
- Flipom (2009)
- Agent Snoet en die Groen Genugtig (2010)
- 13 Spookstories: kortverhale (2010)
- Die Land Verby Donker (2012)
- Vreeslike Versies (Afrikaanse vertaling van Roald Dahl se Revolting Rhymes) (2012)
- Nog 13 Spookstories: kortverhale (2012)
- Koue Rillings: kortverhale (2013)
- Agent Snoet en die Windlawaai (2016)
- Agent Snoet 5-in-1 (2019)
- (* in die Rillers/Chillers-reeks; slegs Afrikaanse titels word genoem)
Vir jong lesers (7 tot 9)
- Sakkie en die Toffiewolf (1994)
- Die Dom Towenaar (1994)
- Dinnie Kaboef (1997)
- K-TV Holiday Fun (pret- en aktiwiteitboek) (1997)
Vir kinders (6 tot 7)
- ’n Dag om te Vier!/A Day to Celebrate (2003)
- Wie Wil Wat Wees?/Who Wants to be What? (2003)
- Spinnekoppe in die Huis/Spiders in the House (2003)
- Blink Gedagtes/Great Ideas (met Johan van Lill) (2003)
As samesteller
- Donker Veld: spanningsverhale (2002)
- Die Boek van Spoke (2004)
- Donker Plekke (2011)
Onder die skuilnaam Leo Bekker
- Dinge Met Tande (1995)
- Sprong (1998)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
