Fosfien

Fosfien is 'n verbinding van fosfor en waterstof met die chemiese formule PH₃. Dit kan as 'n hidried van fosfor beskou word of as 'n fosfied van waterstof.

Eienskappe

Algemeen
Naam	Fosfien
Struktuurformule van
Chemiese formule	PH3
Molêre massa	34 [g/mol][1]
CAS-nommer	7803-51-2[1]
Voorkoms	Kleurlose gas[1]
Reuk	knoffelrig, vissig[1]
Fasegedrag
Selkonstantes	a=631pm[2]
Ruimtegroep	P4232
Nommer	208
Smeltpunt	-133 °C[1]
Kookpunt	-87,7 °C[1]
Digtheid	1,17 rel. lug[1]
Oplosbaarheid	~340 dpm in water[3]
Kritieke temperatuur	+51,556 °C [1]
Suur-basis eienskappe
pKa
Veiligheid
Flitspunt
Selfontbrandingspunt	+38 °C[1]
LC50	22 dpm; 1 uur; rot
Tensy anders vermeld is alle data vir standaardtemperatuur en -druk toestande.
Portaal Chemie

Vervaardiging en verbranding van fosfien

Dit is 'n baie toksiese en brandbare gas.

Daar is ook afgeleide, gesubstitueerde verbindings soos CH₃PH₂ wat fosfiene genoem word.

Kristalstruktuur

Teen lae temperature kristalliseer die verbinding in 'n kubiese struktuur.^[2]

Chemiese eienskappe

Kalsiumfosfied reageer met water en stel fosfien vry:

${\displaystyle Ca_{3}P_{2}+6H_{2}O\rightarrow 3Ca^{2+}+6OH^{-}+2PH_{3}}$

'n Ander sintese behels wit fosfor en 'n sterk basis, soos natriumhidroksied. Dit is 'n outoredoksreaksie wat ook fosfaat vrystel. Fosfien is analoog aan ammoniak en kan soute vorm soos PH₄I maar hulle is baie minder stabiel as die ammoniumsoute.^[4]

Gebruike

Fosfien word soms vir berokingsdoeleindes gebruik bv. teen die amandelmot Cadra cautella of die ryskalander Sitophilus oryzae. Vanweë die hoë toksisiteit is die gebruik aan groot beperkings onderhewig. Fosfien se lewensduur in lug egter taamlik kort, ongeveer 5 uur. Dit word deur hidroksielradikale vernietig.^[3]