Ernie Els

Theodore Ernest "Ernie" Els (gebore op 17 Oktober 1969 in Johannesburg) is 'n Suid-Afrikaanse beroepsgholfspeler. Hy is ook bekend onder sy bynaam "The Big Easy", omdat hy in vergelyking met ander gholfspelers groot gebou is en tog 'n vloeiende, oënskynlik moeitelose swaai het.

Ernie Els
Els in 2009
Persoonlike inligting
Volle naam	Theodore Ernest Els
Bynaam	The Big Easy
Gebore	17 Oktober 1969 (1969-10-17) (55 jaar oud) Johannesburg, Suid-Afrika
Nasionaliteit	Suid-Afrika
Woning	Wentworth, Engeland George, Wes-Kaap, Suid-Afrika; Jupiter, Florida, VSA
Eggennoot	Liezl (getroud 1998)
Kinders	Samantha, Ben
Loopbaan
Professioneel geword	1989
Huidige toernooie	Europese Toer (sedert 1992) PGA Toer (sedert 1994)
Professionele oorwinnings	71
Hoogste rang	1 (22 Junie 1997)[1] (9 weke)
Aantal oorwinnings volgens toernooi
PGA-toernooi	19
Europese toernooi	28
Japan-gholftoernooi	1
Sonskyntoernooi	16
Ander	19
Beste uitslae in groot kampioenskappe (wenne: 4)
Meesterstoernooi	2de: 2000, 2004
PGA-kampioenskap	3de/T3: 1995, 2007
V.S. Ope	Wen: 1994, 1997
Britse Ope	Wen: 2002, 2012
Prestasies en toekennings
World Golf Hall of Fame 2011 (member page) PGA Tour Rookie of the Year 1994 European Tour Order of Merit winner 2003, 2004 European Tour Player of the Year 1994, 2002, 2003 Sunshine Tour Order of Merit winner 1991/92, 1994/95 Payne Stewart-toekenning 2015

Ernie Els tydens die VSA Ope in 2008.

Ernie Els tydens 'n oefenrondte in 2004.

Els word aan die einde van die 20ste en begin van die 21ste eeu as een van die beste gholfspelers gereken. Hy word as die beste wedstrydspeler ter wêreld beskou en wen in 2007 reeds vir die sewende keer die Volvo Wêreldwedstrydspelerkampioenskap op Wentworth, waar hy 'n huis het.

Oor sy professionele loopbaan het hy 64 toernooie gewen, waaronder vier "majors": die Amerikaanse Ope (in 1994 en 1997) en die Britse Ope (2002 en 2012). Hy wen ook die Dunhill Kampioenskap in 2006, hoewel sy knie net vier maande vroeër ná 'n watersportongeluk geopereer is.^[2]

Els speel oor die hele wêreld heen, nie net in toernooie nie, maar poog ook om die sport te bevorder. Hierdeur het hy al met die USPGA (Vereniging van Amerikaanse Beroepsgholfspelers) swaarde gekruis, wat wil hê dat hy meer gereeld in die Verenigde State moet speel.

Verwysings

1. "Week 25 1997 Ending 22 Jun 1997" (pdf). OWGR. Besoek op 20 Desember 2018.
2. (en) Els - one of golf's great gentlemen^{[dooie skakel]}

Eksterne skakels

• Ernie Els se amptelike webtuiste