From Wikipedia, the free encyclopedia
Die emiraat Nadjd (Arabies: إمارة نجد) was die naam van die tweede Saoediese staat, wat van 1824 tot 1891 bestaan het.[1][2] Dit het hoofsaaklik bestaan uit die sentrale deel van wat vandag Saoedi-Arabië is.
Die Tweede Saoediese staat is gestig nadat die Ottomaanse Ryk die eerste Saoediese staat in die Ottomaans-Saoediese Oorlog (1811-1818) tot ’n val gebring het.[3]
Met die tweede Saoediese staat is die mag van die Huis van Saoed herstel. Die verowering van Riaad word algemeen beskou as die stigting van die staat. Die land is gekenmerk deur verskeie interne konflikte in die Saoedi-familie en dit het eindelik tot die val van die emiraat gelei. Dit is in 1891 deur die Huis van Rasjid verower.