From Wikipedia, the free encyclopedia
Ekonometrie is die vakdissipline waar wiskundige statistiek en ekonomie mekaar ontmoet.[1] Ekonometrie behels die gebruik van statistiese metodes om verwantskappe tussen ekonomiese veranderlikes te ondersoek. Ekonometriese tegnieke verskil van datastel tot datastel. Daar is hoofsaaklik drie soorte ekonomiese data: tydreeksdata, kruissnitdata en paneeldata.
Die ekonometrie van tydreeksdata behels die studie van tydverwantskappe en word o.m. vir vooruitskatting gebruik. So gebruik die Buro vir Ekonomiese Ondersoek aan die Universiteit Stellenbosch 'n tydreeksmodel om kwartaallikse vooruitskattings vir die Suid-Afrikaanse ekonomie te ontwikkel.
Die ekonometrie van kruissnitdata behels die studie van verwantskappe op 'n spesifieke tydstip oor 'n aantal waarnemings. 'n Voorbeeld van so 'n studie sou wees 'n ondersoek na die verwantskap tussen die vlak van geletterdheid en ekonomiese groei onder Afrika-lande vir 'n bepaalde jaar. Paneeldata behels die samevoeging van tydreekse en kruissnitdata.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.