From Wikipedia, the free encyclopedia
Darius Mfana Temba Dhlomo (* 9 Augustus 1931, † 13 Junie 2015) was 'n Suid-Afrikaanse voormalige sokkerspeler, akteur, bokser, musikant en politieke aktivis.
| Darius Dhlomo | |
.jpg) Dhlomo in aksie vir Enschedese Boys (21 Oktober 1962) | |
Persoonlike besonderhede | |
|---|---|
| Gebore | 9 Augustus 1931 Durban, Unie van Suid-Afrika |
| Sterf | 13 Junie 2015 Enschede, Nederland |
| Politieke party | Partij van de Arbeid |
Naas sy boksloopbaan het hy uitgedraf as kaptein van die Baumannville City Blacks en die Natalse provinsiale sokkerspan. In 1958 het hy na Nederland verhuis om vir SC Heracles te speel. By Heracles was hy saam met Steve Mokone die eerste swart Suid-Afrikane in 'n Europese sokkerliga.
Met sy debuutwedstryd teen Rigtersbleek het hy onder die paviljoen verklee. Hy het nie besef dat Nederland nie 'n apartheidsbeleid toepas nie. Die aanvaller Joop Schuman het hom ingelig dat hy saam met sy wit medespelers kan aantrek.
In Nederland het hy ook vir Vitesse Arnhem, DHC Delft, HVV Tubantia en Enschedese Boys gespeel. By die Enschedese Boys het hy saam met die Nederlandse sokkerlegende Abe Lenstra uitgedraf.
Dhlomo was ook 'n aktiewe lid van die African National Congress. Daarom kon hy nie voor 1992 na Suid-Afrika terugkeer nie. Hy het in Enschede aangebly en was 'n aktiewe lid van die Partij van de Arbeid.
In die Nederlandse rolprent De Zwarte Meteoor (oor die lewe van Steve Mokone, 2000) het Dhlomo die rol van Steve Mokone vertolk.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
