Capri

Capri (Italiaans: [ˈkaːpri]) is ’n rotseiland en gewilde vakansiebestemming naby die stad Napels in die suide van Italië.^[1] Capri is - as een van drie eilande in die Golf van Napels (die twee ander is Ischia en Procida) - in die Italiaanse provinsie Kampanië geleë en beslaan 'n oppervlakte van 10,4 km². Die eiland bestaan uit kalksteen en is bergagtig met steil kranse, maar het ook plat stukke. Die hoogste punt is Monte Solaro (589 meter). Daar is twee dorpe: Capri en Anacapri.

Capri
Nasa-Satellietbeeld van Capri
Geografie
Ligging	Italië, Middellandse See
Koördinate	40°33′03″N 14°14′36″O
Oppervlakte	10,4 vk km
Hoogste punt	Monte Solaro 589 m
Administrasie
Italië
Streek	Kampanië
Hoofstad	Capri
Grootste stad	Capri (7 278)
Demografie
Bevolking	12 200
Bevolkingsgroepe	Italianers

In die somer word die eiland druk deur beide Italiaanse en buitelandse toeriste besoek. Die eiland het twaalf kerke en sewe museums, maar die bekendste aantreklikheid is die Blou Grot (Italiaans: Grotta Azzurra). Talle feeste word jaarliks aangebied, waaronder 'n internasionale filmfees.

'n Aantal geregte is na die eiland genoem, onder andere:

• Insalata caprese
• Pizza Caprese
• Torta Caprese

Fotogalery

• 
  Marine Grande, Capri se hawe
• 
  Die Blou Grot van binne
• 
  Via Krupp, 'n historiese voetpad
• 
  Faraglioni
• 
  Arco Naturale
• 
  La piazzetta in Capri-stad
• 
  Anacapri, Villa San Michele
• 
  Certosa di San Giacomo
• 
  Insalata caprese, gereg wat na die plek vernoem is

Verwysings

1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels

• Wikimedia Commons het meer media in die kategorie Capri.