Bundesbank
From Wikipedia, the free encyclopedia
Die Deutsche Bundesbank is die sentrale bank van Duitsland en een van die magtigste lede van die Europese Stelsel van Sentrale Banke (ESCB).[1] Die Bundesbank of "Buba", soos die bank kortweg genoem word, is in Frankfurt am Main gesetel. Naas sy hoofkwartier het die bank 9 streekgebonde hoofkwartiere (die voormalige sentrale banke van die deelstate) en 47 filiale. Die Bundesbank het 10 308 werknemers (2014).[2]
Die Bundesbank is in 1957 in Wes-Duitsland (die voormalig Bondsrepubliek Duitsland) as opvolger van die Bank deutscher Länder (wat in 1948 gevestig is) gestig. Die bank het die Duitse mark beheer tot die euro in 2002 ingevoer is. Hulle het gepoog om inflasie in Duitsland laag te hou, waardeur die mark tot een van die sterkste en mees stabiele geldeenhede ter wêreld kon groei. Tussen die ekonomiese hervorming van 1 Julie 1990 in die DDR en die Duitse hereniging op 3 Oktober 1990 was die Bundesbank ook vir die uitgee van geld in die voormalige DDR verantwoordelik.
Die Bundesbank was die eerste sentrale bank wat geheel en al van die regering onafhanklik was. Dit het soms tot konflikte met die regering gelei. Ná die Duitse hereniging besluit Helmut Kohl om die advies van die Bundesbank te ignoreer en 'n 1:1 wisselkoers tussen die Duitse mark en die Oos-Duitse Mark (Ostmark) in te stel. Die toenmalige direkteur van die Bundesbank, Karl Otto Pöhl, het sy aftrede hierna aangekondig.
In 2001 neem die Europese Sentrale Bank die verantwoordelikheid vir die monetêre beleid van die Bundesbank (en ander sentrale banke in die eurosone) oor. Vandag dien die Bundesbank hoofsaaklik as bank van die Duitse staat, sowel as 'n bank van ander banke. Hulle druk Duitse euromunte en -bankbiljette en beheer Duitsland se nasionale reserwes.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
