Bromvoël

Die Suidelike bromvoël (Bucorvus leadbeateri) is 'n voël wat aan die genus van bromvoëls (Bucorvus) en die familie Bucorvidae behoort. Hulle is groot swart voëls wat hoofsaaklik in Afrika suid van die Sahara voorkom. Bromvoëls is omnivore, maar eet oor die algemeen dierlike voedsel, soos voëltjies, reptiele, amfibieë en insekte. Die voël is 'n skaars standvoël en nomade in savanne, boomveld en grasveld met aangrensende woude.

Bromvoël
Bewaringstatus
Kwesbaar  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Coraciiformes
Familie:	Bucerotidae
Subfamilie:	Bucorvinae
Genus:	Bucorvus
Spesie:	B. leadbeateri
Binomiale naam
Bucorvus leadbeateri (Vigors, 1825)
Sinonieme
Bucorvus cafer (Vigors, 1825)

Ander name

• Engelse naam: Southern ground-hornbill
• Xhosa: Intsikizi
• Zoeloe: iNgududu of iNsingizi
• Tswana: Lehututu

Identifikasie

Die voël is 90 tot 130 cm groot en weeg 2.5 tot 6 kilogram. Dit is 'n baie groot neushoringvoël met 'n lang, krom snawel en die gesig en keel is opvallende rooi. Die hoofslagvere is wit en opvallend in vlug. Die volwasse wyfie het 'n klein violetblou keelvlek en uitgebreide rooi keelsakke. Die jong voël is roetbruin met 'n dofgelerige gesig en keel.

Hierdie voël se verspreidingsgebied en getalle het in die 20ste eeu met ongeveer twee derdes afgeneem en word nou hoofsaaklik tot groot reservate beperk.

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name

Galery

• 
  Bromvoël in die Krugerwildtuin
• 
  Wyfie
• 
  Mannetjie

Bronnelys

• Newman se Voëls van Suider-Afrika. ISBN 1-86872-982-6
• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7

Eksterne skakels

• Wikimedia Commons het meer media in die kategorie Bromvoël.