Broers in Christus

Broers in Christus (in Engels Christadelphians) is 'n nie-trinitariese Christelike denominasie wat in die 19de eeu in die Verenigde State van Amerika deur John Thomas gestig is.^[1]

Die Christadelphian Hall in Bath (Engeland)

Hulle vernaamste geloofsoortuigings is:^[2][3][4][5]

• Die Bybel is die Godgegewe Woord.
• Jesus Christus is die Seun van God, maar nie God self nie en bestaan nie voor sy geboorte nie.
• Christus sal na die aarde terugkeer om die Koninkryk van God op aarde te verwesenlik.
• Dood is onbewustheid. Hulle verwerp die onsterflikheid van die siel en die geloof in 'n ewige onsterflikheid.
• Hel beteken die graf en is nie 'n plek van ewige foltering nie.
• Doop geskied met volkome onderdompeling in water as 'n volwassene.
• Die Heilige Gees is nie 'n persoon nie, maar die Krag van God
• Satan is nie 'n wese wat self bestaan nie, maar 'n simbool van menslike verdorwenheid of slegtheid.