Benjamin Harrison (20 Augustus 1833 – 13 Maart 1901) was die 23ste President van die Verenigde State. Hy was 'n kleinseun van die president William Henry Harrison. Tydens sy ampstermyn het Noord- en Suid-Dakota (2 November 1889) die 39ste en 40ste, Montana (8 November 1889) die 41ste, Washington (11 November 1889) die 42ste, Idaho (3 Julie 1890) die 43ste en Wyoming (10 Julie 1890) die 44ste deelstaat van die Verenigde State geword. Net onder die presidentskap van George Washington is meer deelstate tot die unie toegelaat.
| Benjamin Harrison | |
|---|---|
 | |
| 23ste President van die Verenigde State | |
| Ampstermyn | 4 Maart 1889 – 4 Maart 1893 |
| Voorganger | Grover Cleveland |
| Opvolger | Grover Cleveland |
| Geboortedatum | 20 Augustus 1833 |
| Geboorteplek | North Bend, Ohio |
| Sterftedatum | 13 Maart 1901 |
| Sterfteplek | Indianapolis, Indiana |
| Eerste Dame | Caroline Scott (1853–1892) Mary Scott (1896–1901) |
| Politieke party | Republikein |
| Visepresident | Levi P. Morton |
| Handtekening |  |
Hy was ook die agterkleinseun van 'n ander Benjamin Harrison, een van die ondertekenaars van die Onafhanklikheidsverklaring en Goewerneur van Virginia in 1784.
Harrison het regte in Cincinnati gestudeer en in 1854 in Indianapolis in die regte gepraktiseer. In 1856 het hy by die nuutgestigte Republikeinse Party aangesluit. Tydens die Amerikaanse Burgeroorlog het Harrison van 1862 tot 1865 in die 70ste Indiana Regiment gedien en van luitenant tot brigadier-generaal gevorder. Hy was onder die troepe onder generaal William T. Sherman, wat die stad Atlanta in September 1864 ingeneem het. Na die oorlog het Harrison sy regspraktyk hervat. Van 1881 totIn 1887 was hy 'n lid van die Amerikaanse Senaat vir sy tuistaat.
In 1888 is Harrison tot president verkies. Alhoewel hy minder stemme as sy opponent, die huidige president Grover Cleveland, gekry het, het hy daarin geslaag om meer kieserstemme te wen (233 teenoor 168). Harrison, wat op 4 Maart 1889 ingehuldig is, bly die enigste president wie se tuisstaat Indiana is.
Sy presidentskap was veral belangrik vanweë die ekonomiese wetgewing wat ingestel is. Tydens sy ampstermyn het die nasionale regering se jaarlikse begroting vir die eerste keer $1 miljard bereik. Harrison is op sy beurt in die presidensiële verkiesing van 1892 deur sy voorganger Cleveland verslaan. Hy het president gebly tot 4 Maart 1893.
Harrison het hom ná sy aftrede in Indianapolis gevestig, sy regspraktyk hervat, lesings gehou en artikels in koerante en tydskrifte geskryf. Hy is op 13 Maart 1901 in die ouderdom van 67 oorlede. Hy is in Indianapolis begrawe. Sy tweede vrou Mary het hom met meer as 46 jaar oorleef en is op 5 Januarie 1948 in die ouderdom van 89 oorlede.
Bronne
- Adleson, Bruce (2006). Benjamin Harrison. Twenty-First Century Books. ISBN 978-0-8225-1497-8.
- Bourdon, Jeffrey Normand. "Trains, Canes, and Replica Log Cabins: Benjamin Harrison's 1888 Front-Porch Campaign for the Presidency." Indiana Magazine of History 110.3 (2014): 246–269. online
- Calhoun, Charles W. "Benjamin Harrison, Centennial President: A Review Essay." Indiana Magazine of History (1988). [ online]
- Dewey, Davis R. National Problems: 1880–1897 (1907)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
