Arcadius
From Wikipedia, the free encyclopedia
From Wikipedia, the free encyclopedia
Arcadius (Latyn: Flavius Arcadius Augustus, Grieks: Ἀρκάδιος; 377/8 – 1 Mei 408) was die Bisantynse keiser van 395 tot met sy dood in 408. Hy was die oudste seun van Theodosius I en sy eerste vrou, Aelia Flaccilla, en die broer van die westerse keiser Honorius. Hy was ’n swak leier en sy bewind is oorheers deur ’n rits magtige ministers en sy vrou, Aelia Eudoxia.
| Arcadius | |
|---|---|
| Keiser van die Bisantynse Ryk | |
 Borsbeeld van Arcadius (Istanboelse Argeologiese Museum). | |
| Bewind | Januarie 383 – 395 (Augustus onder sy pa, Theodosius I); 395 – 1 Mei 408 (keiser van die ooste, saam met sy broer Honorius as keiser van die weste) |
| Volle naam | Flavius Arcadius Augustus |
| Dinastie | Theodosius |
| Gebore | 377/8 n.C. |
| Oorlede | 1 Mei 408 n.C. |
| Voorganger | Theodosius I |
| Opvolger | Theodosius II |
| Eggenote | Aelia Eudoxia |
| Kinders | Theodosius II Pulcheria Arcadiaen Marina |
| Vader | Theodosius I |
| Moeder | Aelia Flaccilla |
Arcadius was die tweede oudste seun van Theodosius I en sy pa het hom in Januarie 383 tot ’n augustus en medeheerser van die oostelike deel van die ryk verklaar. Die werklike mag agter sy bewind was die eunug Eutropius. Arcadius is ook oorheers deur sy vrou, wat hom oortuig het om Eutropius af te dank op die hoogtepunt van sy loopbaan in 399. Op 13 Julie van dieselfde jaar het Arcadius gelas dat alle oorblywende nie-Christelike kerke dadelik afgebreek moes word.
Eudoxia se invloed is sterk teengestaan deur die Patriarg van Konstantinopel, John Chrysostom, wat gevoel het sy gebruik haar familie se rykdom om beheer oor die keiser te kry. Eudoxia het haar invloed gebruik om Chrysostom in 404 te laat afdank, maar sy is later dié jaar dood. Sy en Arcadius het vier kinders gehad: drie dogters, Pulcheria, Arcadiaen en Marina, en een seun, Theodosius.
Wikimedia Commons het meer media in die kategorie Arcadius.
Hierdie artikel is vertaal uit die Engelse Wikipedia
