Akan (volk)

Die Akan is 'n etniese groep inheems aan die Akanland van Suid-Ghana en die Ivoorkus. Die Akan bestaan uit verwante volke wat 'n gemeenskaplike kulturele en taalkundige tradisie het. Hulle praat Akan, 'n Niger-Kongo-taal en dialekkontinuum wat verskeie gestandaardiseerde dialekte bevat, as moedertaal. In Ghana vorm hulle met sowat 47,5% die grootste etniese groep; dieselfde in die Ivoorkus met 28,8% van die bevolking.

Akan
Tradisionele drag van volwassenes
Totale bevolking:	ca. 20 miljoen
Belangrike bevolkings  in:	Ghana (47,5%)[1]  Ivoorkus (28,8%)[2]
Taal:	Akan
Geloofsoortuiging:	Christendom (meerderheid) • Akan-godsdiens • Soennitiese Islam
Verwante etniese groepe:	Coromantee

Subgroepe van die Akan sluit in:

• Asante, Akuapem, Akwamu en Akyem (saam bekend as Twi), Agona, Kwahu, Wassa, Fante (Fanti of Mfantse: Anomabo, Abura, Gomua) en Bono.
• Deelgroepe van die Bia-talige groepe sluit in: Anyin, Baoulé, Chakosi (Anufo), Sefwi (Sehwi), Nzema, Ahanta en Jwira-Pepesa.

Die Asante of Ashanti-deelgroep is veral bekend vir hul tradisionele koninkryk wat tot vandag toe bestaan. Die Akan is net een van ses hoofgroepe wêreldwyd wat 'n matriargale stelsel het.

Bekende Akan sluit in Kofi Annan (sewende sekretaris-generaal van die Verenigde Nasies), Kwame Nkrumah (eerste president van Ghana) en Idris Elba (Britse akteur, musikant en platejoggie).

Verwysings

1. "Ghana". CIA World Factbook (in Engels). Central Intelligence Agency. Geargiveer vanaf die oorspronklike op 10 April 2020. Besoek op 22 September 2018.
2. "Cote d'Ivoire". CIA World Factbook (in Engels). Central Intelligence Agency. Geargiveer vanaf die oorspronklike op 27 April 2020. Besoek op 22 September 2018.

Eksterne skakels

• Wikimedia Commons het meer media in die kategorie Akan (volk).
• (en) "Akan". Encyclopædia Britannica. Besoek op 22 September 2018.