Adam Kok I (1710–1795), gebore as Adam Eta, was die eerste leier (kaptein) van die Griekwas in Suid-Afrika.
| Adam Kok I | |
Kaptein van die Griekwas | |
| Opgevolg deur | Cornelius Kok I |
|---|---|
Persoonlike besonderhede | |
| Gebore | 1710 |
| Sterf | 1795 |
| Eggenoot/-note | Donna Gogosa |
Adam Kok is in 1710 as Adam Eta gebore. Sy ouers sterf in 1713 tydens 'n pokke-epidemie en hy is deur sy oom en tante in die omgewing van Piketberg opgevoed.
Adam Eta word die slaaf van die Nederlander Jacobus Hollander, wat hom in ruil vir 'n stuk grond aan die goewerneur van die Kaapkolonie (Jan de la Fontaine) aanbied. Hy werk as 'n kok vir die goewerneur en neem die naam "Adam Kok" aan. Omdat die volgende goewerneur (Hendrik Swellengrebel) sy eie kok gehad het, word Kok opgesluit. Die volgende goewerneur (Ryk Tulbagh) stel Kok vry en vergoed hom vir sy gevangenskap met 'n wa, gewere, buskruit, tien osse en 'n huis by Boesmanskloof.
Na sy vrylating ontmoet Kok die Griekwa-stamhoof Koos Kleinman, wat hom as sy opvolger aanwys. Na die dood van Kleinman word Kok deur die Kaapkolonie as stamhoof van die Griekwa erken en tot kaptein benoem. Hy tree in die huwelik met Donna Gogosa, die dogter van 'n stamhoof van die Chariguriqua, 'n ander Griekwavolk. Hy het 'n semi-nomadiese lewe saam met sy volk in die Namakwaland geleef.
Kok is in 1795 oorlede en is deur sy seun Cornelius Kok I opgevolg.
In 2011 is Adam Kok se 300ste geboortedag deur die Suid-Afrikaanse president Jacob Zuma herdenk. Zuma noem Kok " 'n buitengewone held in die versetoorloë teen blanke koloniste en kolonialisme."[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
