Ds. Abraham Isaac Steytler (5 Februarie 1840 tot 17 Desember 1922) was 'n leraar van die Nederduitse Gereformeerde Kerk wat die bynaam "Nederduitse Gereformeerde Pous" gekry het weens sy groot invloed.
Hy is in Seepunt, Kaapstad, gebore en het die skool van die bekende dr. Changuion bygewoon waarna hy na Engeland en Nederland gegaan het tot hy uiteindelik met 'n graad in godgeleerdheid van die Universiteit van Utrecht teruggekeer het. In 1863 word hy predikant van die NG gemeente Uitenhage waar sy sterk persoonlikheid en organisasievermoë op die voorgrond getree het. 'n Deel van sy gemeente is afgestig as die kerkdorp Steytlerville, wat te danke aan sy ywer en volharding afgestig is en dus Steytlerwil moes heet, maar met die amptelike stigting van die NG gemeente Steytlerville is die naam aanvaar wat vandag nog in gebruik is. Op Uitenhage was hy verantwoordelik vir die stigting van die Riebeeck-kollege vir meisies en 'n seunskool wat vir 'n tyd lank sonder regeringshulp bestaan het.
In 1881 is hy na die NG gemeente Kaapstad beroep waar hy die res van sy bediening deurgebring het. Hy was nie alleen 'n leier in die NG Kerk (onder meer moderator in 1909) nie, maar ook op opvoedingsgebied.
Hy tree in Oktober 1915 af en sterf in 1922 in Kaapstad.
Bron
- Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
- Rosenthal, Eric. 1978. Encyclopaedia of Southern Africa. Cape Town and Johannesburg: Juta and Company Limited.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
