Yip Man
Chinese gevegskunstenaar (1893–1972) / From Wikipedia, the free encyclopedia
Yip Man (1 Oktober 1893, Foshan – 2 Desember 1972, Britse Hongkong) (jiaxiang: Guangdong, Nanhai, Luocunzhen), ook geskryf as Ip Man en ook bekend as Yip Kai-Man, was 'n Chinese gevegskunstenaar. Hy het verskeie studente gehad, waarvan die akteur Bruce Lee die bekendste is. Hy en Lee is ook die bekendste meesters van die Wing Chun-styl.
![Thumb image](http://upload.wikimedia.org/wikipedia/commons/thumb/6/6c/Yip_Man.jpg/220px-Yip_Man.jpg)
Yip Man het Wing Chun in sy jeug begin studeer onder Meester Chan Wah-shun. Hy het 'n deel van sy kinderjare in Hongkong deurgebring. In Hongkong was hy 'n student van Meester Leung Bik. In 1917 het hy na sy tuisdorp Foshan teruggekeer, waar hy vir die polisie begin werk het.[1] In die daaropvolgende jare het hy Wing Chun aan verskeie van sy vriende en kollegas geleer, hoewel hy nog nie amptelik 'n onderwyser was nie. Na die Chinese Burgeroorlog het Yip na Hongkong teruggekeer, waar hy sy eie kung fu-skool gestig het.[2] Een van sy studente was Bruce Lee. Lee is grootliks beïnvloed deur sy opleiding met Yip Man, en sy eie gevegskuns Jeet kune do bevat verskeie kenmerke van Wing Chun. Lee sou later wêreldberoemd word vir sy films, en hy word beskou as die mees invloedryke gevegskunstenaar van alle tye.[3] Dit het gelei tot groot roem vir Yip Man en Wing Chun.
Yip Man is op die ouderdom van 79 oorlede aan kop- en nekkanker.
Verskeie films oor Yip Man is gemaak. Die bekendste is die reeks flieks getiteld Ip Man (2008), Ip Man 2 (2010), Ip Man 3 (2015) en Ip Man 4: The Finale (2019). Die rol van Yip word in hierdie rolprente vertolk deur gevegskunstenaar Donnie Yen. Ander films oor Ip sluit in Ip Man Chinchyun (2010) (ook bekend as The Legend Is Born: Ip Man of Ip Man Zero), The Grandmaster (2013) en Ip Man: Kung Fu Master (2019).