![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/91/Yajna1.jpg/640px-Yajna1.jpg&w=640&q=50)
Yajna
From Wikipedia, the free encyclopedia
Yajna (Sanskrit: यज्ञ, "offerande", "verering", "aanbidding") verwys in Hindoeïsme na enige ritueel wat voor ’n heilige vuur uitgevoer word, dikwels gepaardgaande mat mantras.[1] Yajna was ’n Vediese tradisie wat in die Brahmana-geskrifte verduidelik word, sowel as in die Yajurveda.[2]
![Thumb image](http://upload.wikimedia.org/wikipedia/commons/thumb/9/91/Yajna1.jpg/640px-Yajna1.jpg)
Geskrifte oor yajna-rituele is die Karma-kanda (rituele werke)-deel van die Vediese letterkunde genoem, in teenstelling met die Jnana-kanda (kennis)-deel in die Upanishads. Die regte voltooiing van yajna-rituele was die fokus van die Mimansaskool van Hindoefilosofie.[3] Yajna speel ’n belangrike rol in deurgangsrites, soos huwelike.[4] Moderne tempelseremonies, gemeenskapsvierings en kloosterinisiasies kan ook Vediese yajna-rites insluit.