Whistler is 'n Kanadese skioord in die suidelike Pasifiese Reeks van die Kusgebergte in die provinsie Brits-Columbië, sowat 125 kilometer (78 myl) noord van Vancouver. Die nedersetting, wat as Resort Municipality of Whistler (RMOW) geïnkorporeer is, het 'n permanente bevolking van sowat 10 000. Daarnaas bly 'n beduidende aantal tydelike werkers, veral jongmense van buite die provinsie, onder meer uit Australië en Europa, in Whistler.
Kaart | Wapen |
Vlag | |
Land | ![]() |
Provinsie | ![]() |
Koördinate | 50°7′ N, 122°57' W |
Stigting | 1914 |
Inkorporasie | 1975 |
Oppervlakte: | |
- Totaal | 161,72 vk km |
Hoogte bo seevlak | 670 m |
Bevolking: | |
- Totaal (2006) | 9 248 |
- Bevolkingsdigtheid | 55/vk km |
- Metropolitaanse gebied | 2 180 737 |
Tydsone | UTC -8 (Pasifiese Standaardtyd) |
Burgemeester | Ken Melamed |
Amptelike Webwerf | Whistler |
Die Whistler-Blackcomb-skigebied lok jaarliks meer as twee miljoen besoekers wat hier sport soos Alpynse ski en bergfietsry beoefen. Die skidorp Whistler is net vir voetgangers toeganklik. Sy ontwerp is met talle toekennings bekroon en word deur toonaangewende skitydskrifte sedert die middel-1990's by die voorste bestemmings in Noord-Amerika gereken.
Gedurende die Olimpiese Winterspele 2010 is die meeste Alpynse, Nordiese en slee-wedstryde in Whistler gehou, alhoewel die vrystyl- en sneeuplank-wedstryde in Cypress Mountain naby Vancouver plaasgevind het.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.