From Wikipedia, the free encyclopedia
Wasili III (Russies: Василий III Иванович; 25 Maart 1479 – 3 Desember 1533) was van 1505 tot 1533 die grootprins van Moskou. Hy was die seun van Iwan die Grote en Sophia Paleologue. Sy doopnaam was Gawriil (Гавриил).
| Wasili III van Rusland | |
|---|---|
| Grootprins van Moskou | |
 | |
| Periode | 1505–1533 |
| Voorganger | Iwan III |
| Opvolger | Iwan die Verskriklike |
| Huis | Rjoerik |
| Vader | Iwan III |
| Moeder | Sophia Paleologue |
| Gebore | 25 Maart 1479 |
| Oorlede | 3 Desember 1533 |
| Eggenote | Solomonia Saboerowa Elena Glinskaja |
Wasili III het die beleidsrigtings van sy pa voortgesit. Hy het Wolokolamsk in 1513, Rjazan in 1521 en Smolensk in 1514 geannekseer. Hy het ook die Russiese invloed na die gebiede om die Wolga uitgebrei.
In sy binnelandse beleid het hy die hulp van die Russies-Ortodokse Kerk ingeroep in sy stryd teen die feodale opposisie.
Teen 1526, toe hy 47 jaar oud was, was Wasili reeds 20 jaar getroud met sy eerste vrou, Solomonia Saboerowa, maar die egpaar was steeds kinderloos. Eindelik is besluit dat Wasili ’n nuwe vrou moet vat en hy is van Solomonia geskei. Daar was groot teenstand teen sy tweede vrou, prinses Elena Glinskaja, die dogter van ’n Serwiese prinses, omdat sy Rooms-Katoliek was. Sy het egter die seun gebaar wat hom opgevolg het: Iwan die Verskriklike. Drie jaar later het hulle nog ’n seun, Joeri, gehad.
Terwyl hy gejag het, het Wasili ’n pyn in sy heup gekry as gevolg van ’n abses. Hy is op sy versoek teruggeneem na Moskou, waar hy gevra het om ’n monnik gemaak te word. Hy het die naam Warlaam aangeneem. Hy is op 4 Desember 1533 oorlede.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
