From Wikipedia, the free encyclopedia
Die nasionale vlag van Togo is op 27 April 1960 amptelik in gebruik geneem. Die vlag vertoon vyf horisontale afwisselende groen en geel bane en in die skildhoek is een vyfpuntige wit ster op ’n rooi agtergrond.
.svg) |
|
| Gebruik | Nasionale vlag en vaandel  |
|---|---|
| Verhouding | 1:1.618 (500:809) |
| Goedgekeur | 27 April 1960 |
| Ontwerp | Vyf horisontale groen en geel bane en in die skildhoek is een wit ster op ’n rooi agtergrond. |
| Ontwerp deur | Paul Ahyi |
Die kleure op die vlag van Togo is ook die Pan-Afrika kleure van groen, rooi en geel. Elke kleur stel ook iets anders voor; rooi stel die bloed voor van vegters vir Togo se onafhanklikheid, groen stel die landbou en die hoop op ’n goeie toekoms en die nuwe tydperk wat met die koms van onafhanklikheid aangebreek het, voor, geel stel nasionale eenheid voor en wit simboliseer wysheid en vrede.[1]
Die vyf bane simboliseer die verskeidenheid van die land, waain die eenheid moet lê. Daarbenewens lyk dit soos vyf vingers en staan in die hoedanigheid vir aksie: die besluitvaardigheid om alle moeilikhede te oorwin.[1] Dit kan ook die vyf streke (provinsies) van Togo (die savannahstreek, die Karastreek, die sentrale streek, die platostreek en die kusstreek) voorstel.[1][2]
Die ster verwys na die lewe, die volk en innerlike ontwikkeling. Die ster styg ook simbolies uit die bloed op, as verwysing na die vryheid en onafhanklikheid van die land en die wil om dit te behou.[1]
Die Togolese vlag lyk baie soos die vlag van Liberië, wat op sy beurt gebaseer is op die vlag van die Verenigde State.
Die lengte-wydteverhouding van die vlag is 1:1,618 (500:809), waartoe die goue verhouding benader word. Elke baan neem een vyfde van die wydte van die vlag in. Die skildhoek is vierkantig en elke is so lank soos die wydte (hoogte) van drie horisontale bane.
Vlag van Duits-Togoland, 5 Julie 1884 tot 27 Desember 1916.
Voorgestelde vlag van Duits-Togoland (nooit gebruik), 1914.
Voorgestelde vlag van Duits-Togoland (nooit gebruik), 1914..svg)
Vlag van Togo, 1957 tot 1958.svg)
Vlag van Togo, 1958 tot 1960
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
