Vlag van Kameroen
From Wikipedia, the free encyclopedia
From Wikipedia, the free encyclopedia
Die nasionale vlag van Kameroen is op 20 Mei 1975 amptelik in gebruik geneem. Die vlag is ’n vertikale driekleur in die kleure groen-rooi-geel (die Pan-Afrika kleure), met groen aan die vlagpaalkant. Daar is ’n geel vyfpuntige ster in die middel van die rooi baan. Kameroen is, na Ghana die tweede land wat die Pan-Afrika kleure in sy vlag geïmplementeer het.
 |
|
| Gebruik | Nasionale vlag en vaandel  |
|---|---|
| Verhouding | 2:3 |
| Goedgekeur | 20 Mei 1975 |
| Ontwerp | ’n Vertikale driekleur met groen aan die vlagpaalkant, rooi in die middel en geel aan die wapperkant met ’n geel ster in die rooi baan. |
Die vorm van die vlag is ontleen aan die Franse Driekleur. Die groen baan stel die suidelike woude van Kameroen voor, die rooi stel onafhanklikheid voor, die ster (genaamd die "ster van eenheid") stel eenheid voor en die geel baan stel die noordelike savannas van Kameroen voor en daar word ook gesê dat die geel die son voorstel wat "die bron van die nasie se gelukkigheid" is.[1]
Dit is opmerklik dat die baan heel regs in die Kameroense grondwet as "geel" gemeld word, maar die ster as "goud".[1] Die afmetings van die ster is nie vasgestel nie, wat beteken dat daar Kameroense vlae is met ’n groot of ’n klein ster in die rooi baan.[1]
.png)
Vlag van Duits-Kameroen, 14 Julie 1884 tot 20 Februarie 1916.
Voorgestelde vlag van Duits-Kameroen (nooit gebruik), 1914.
Voorgestelde vlag van Duits-Kameroen (nooit gebruik), 1914.
Vlag van Brits-Kameroen, 20 Julie 1920 tot 1 Oktober 1961.
Vlag van Frans-Kameroen, 20 Julie 1920 tot 1 Oktober 1961..svg)
Vlag van Oos-Kameroen, 1957 tot 1961.svg)
Vlag van verenigde Kameroen, 1961 tot 1975Die huidige vlag, soos genoem, is in gebruik sedert 20 Mei 1975. Dit is die derde vlag van Kameroen sedert hulle op 1 Januarie 1960 onafhanklikheid verkry het.
Die eerste Kameroense vlag is op 29 Oktober 1957 in gebruik geneem deur die Franse deel van Kameroen. Na onafhanklikheid is hierdie vlag nog vir 21 maande gebruik en is ook in die grondwet van 21 Februarie 1960 opgeneem.[1] Die vlag het dieselfde gelyk as die huidige behalwe dat daar nie ’n ster op was nie. Brits-Kameroen was destyds lid van die Britse Federasie van Nigerië.
In 1961 het Brits-Kameroen (ook Suid-Kameroen) gestem om aansluiting by die pas onafhanklikgeworde Kameroen. Dit sou gebeur in die vorm van ’n federasie. Om die twee landsdele te simboliseer is daar twee goue sterre op die skildhoek van die vlag (in die groen baan) aangebring. Hierdie verandering is op 1 Oktober 1961 deurgevoer.[1]
In 1972 is die federale stelsel afgeskaf. Vyf jaar later is die twee sterre vervang deur een ster in die middel van die vlag, wat die eenheid van die land simboliseer.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
