![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/Hercules.propeller.details.jpg/640px-Hercules.propeller.details.jpg&w=640&q=50)
Veranderbare steekhoekskroef
From Wikipedia, the free encyclopedia
'n Veranderbare steekhoekskroef word in lugvaartkunde gebruik en is 'n skroef waarvan die blaaie geroteer kan word om die langas om die steekhoek te verander. 'n Beheerbare steekhoekskroef is die tipe waar die steekhoek deur die vlieënier verander kan word. 'n Konstantespoedskroef is die tipe waar die vlieënier die verlangde enjinspoed (omwentelinge per minuut) stel en die steekhoek word outomaties beheer sonder enige hulp van die vlieënier sodat die omwentelingspoed dieselfde bly. Die toestel wat die steekhoek beheer, en dus ook die spoed, word 'n reëlaar genoem; soms ook die konstantespoedeenheid.
![Thumb image](http://upload.wikimedia.org/wikipedia/commons/thumb/d/df/Hercules.propeller.details.jpg/320px-Hercules.propeller.details.jpg)
Skroewe waarvan die blaaie 'n negatiewe hoek kan aanneem (omkeerbare-steekhoekskroef) word gebruik om stukragomkering te bewerkstellig om vliegtuie te help rem of selfs tru te laat gaan sonder om die enjin in die teenoorgestelde rigting te laat draai.
Sommige vliegtuie het skroewe waarvan die steekhoek slegs verander kan word deur 'n kundige persoon wanneer dit op die grond is, tipies ligte vliegtuie. Hulle word nie as 'n veranderbare steekhoekskroef beskou nie.