Tencent

Tencent Holdings Ltd., ook bekend as Tencent (腾讯), is 'n Chinese multinasionale tegnologie- en vermaaklikheidskonglomeraat en beheermaatskappy met sy hoofkwartier in Shenzhen. Dit is ook die grootste maatskappy in die videospeletjiebedryf ter wêreld, gebaseer op sy beleggings, met Tencent Games as sy filiaal wat op die skep van speletjies fokus.^[1] Die Suid-Afrikaanse mediamaatskappy Naspers en sy filiaal Prosus het in 2022 'n 29%-belang in Tencent besit.^[2]

Tencent-hoofkwartier in die Nanshan-distrik van Shenzhen, Volksrepubliek China.

Tencent is een van die grootste internetmaatskappye in China. Dit besit die land se grootste mobiele boodskapdiens "We Chat" (Weixin). Sy filiale is bedrywig in die vermaak- en die videobedryf, die internet en met selfone. Tencent se grootse geldinkomste is met die rekenaarspeletjie League of Legends.

Die firma is in November 1998 deur vier universiteitsvriende, naamlik Ma Huateng (Pony), Chen Yidan (Charles), Xu Chenye (Daniël) en Zhang Zhidang (Tony) gestig.

Naspers het 'n 46,5%-aandeel van Tencent in 2001 gekoop.^[3][4] Vanaf 2021 besit die firma 30,86% deur Prosus, wat ook 'n belang in Tencent se sustermaatskappye besit, soos OLX, VK, Trip.com Group, Delivery Hero, Bykea, Meesho, Stack Overflow, Udemy, Codecademy, Brainly en PayU^[5] Tencent Holding Bpk is op 16 Junie 2004 op die Hongkongse Aandelebeurs genoteer,^[5] en dit is in 2008 as 'n samestellende aandeel by die Hang Seng-indeks gevoeg.^[6]

Verwysings

1. "Top Public Video Game Companies | By Revenue". Newzoo (in Engels). Geargiveer vanaf die oorspronklike op 13 November 2019. Besoek op 25 Desember 2021.
2. Fin24, Naspers slumps more than 14% following Tencent's shock drop. https://www.news24.com/fin24/companies/ict/naspers-prosus-down-8-amid-report-that-tencent-faces-record-fine-20220314, Besoek 24 April 2022.
3. Boehler, Patrick (21 Februarie 2014). "South African media group struck gold by taking a chance on Tencent". South China Morning Post (in Engels). Geargiveer vanaf die oorspronklike op 30 Augustus 2017.
4. Birkinbine, Benjamin; Gomez, Rodrigo; Wasko, Janet (1 Julie 2016). Global Media Giants (in Engels). Routledge. ISBN 978-1-317-40285-5. Geargiveer vanaf die oorspronklike op 24 Augustus 2020. Besoek op 15 September 2017.
5. "prosus2021-annual-report2" (PDF). Geargiveer (PDF) vanaf die oorspronklike op 25 Junie 2021. Besoek op 12 November 2021.
6. "Hang Seng Indexes" (PDF). Geargiveer vanaf die oorspronklike (PDF) op 31 Oktober 2008. Besoek op 14 Augustus 2015.

Eksterne skakels

• www.tencent.com