Stadskerk van Umeå
From Wikipedia, the free encyclopedia
Die Stadskerk van Umeå (Sweeds: Umeå stads kyrka) is 'n kerk in die sentrum van Umeå, Swede, tussen die Vänortspark en die noordelike oewer van die Ume-rivier. Die kerk is in 1894 ingewy.
| Stadskerk van Umeå | ||
 | ||
| Stadskerk van Umeå in 2010 | ||
| Denominasie | Sweedse Volkskerk | |
| Adres | Umeå stads kyrka, Västra Kyrkogatan 3, 903 29 Umeå | |
| Geskiedenis | ||
| Stigtingsdatum | 1894 | |
Die kerk is deur die stadsargitek Fredrik Olaus Lindström ontwerp en is van bakstene gebou met 'n fondasie in steen.[1] Die kerk is tussen 1892 en 1894 gebou en is die derde van 'n reeks van kerke op dieselfde plek. Drie restourasies met uitbreidings het die oorspronklike aansig van die kerk ietwat verander.
Eerste restourasie
In 1929 besluit die kerkraad tot 'n grootskaalse restourasie van die kerk. 'n Lekkende dak het die skildering op die plafon aangetas en het saam met ander defekte 'n stewige opknapping benodig, hiertydens is veral kleiner herstelwerk uitgevoer.
Die kasteelargitek, Knut Nordenskjöld kry opdrag om die kerk te inspekteer en voorstelle vir die restourasie in te dien, wat hy in 1930 voorlê. Sy voorstel lei tot hewige besprekings, veral aangaande die toevoeging van 'n altaar tussen die pilare.[2] Op 27 Desember 1935 het die kerkraad uiteindelik besluit om met die kasteelargitek akkoord te gaan, en sy voorstel oor te neem. Op 17 Januarie word met die werk begin. Die orrelgalery en die koor is uitgebrei, ventilasiekanale is verskuif, binnedeure is aan die hoofingang bygevoeg, 'n deel van die vloer is vervang met kalksteen en die binnekant is in 'n sagte wit kleur oorgeverf.
Die kerk is op die eerste Adventssondag van 1937 weer in gebruik geneem. Die biskop van Luleå, Olof Bergqvist, was by die diens betrokke gewees.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
