Sol-Tech is ’n geakkrediteerde, private tegniese opleidingskollege met Afrikaans as voertaal. Sol-Tech fokus op beroepsleiding wat tot die verwerwing van nasionaal erkende bruikbare kwalifikasies lei. Die instansie maak gebruik van moderne tegnologie en toerusting om ambagslui te lewer wat die hoë eise wat die arbeismark stel, te oorskry.
![Thumb](http://upload.wikimedia.org/wikipedia/commons/thumb/7/7e/Monumentpark_kampus.jpg/640px-Monumentpark_kampus.jpg)
![Thumb](http://upload.wikimedia.org/wikipedia/commons/thumb/a/a2/Sol-Tech_studente1.jpg/640px-Sol-Tech_studente1.jpg)
Sol-Tech se programaanbod sluit ’n verskeidenheid beroepskwalifikasies in naamlik elektries, meulmaker, pas-en-draai, dieselwerktuigkunde, gereedskapmaker, outo-elektries en sweis, met ambagsopleiding as kern.
In 2006 het die Solidariteit Beweging die nood wat daar aan tegniese opleiding in Suid-Afrika bestaan, raakgesien en besluit om daadwerklik iets daaraan te doen. ’n Eie beroepsopleidingkollege is in Centurion gestig en Sol-Tech is in 2007 amptelik geopen met slegs drie personeellede en 64 studente.
Sol-Tech se opleidingsmodel bestaan uit drie fases. Volgens hierdie model vind institusionele opleiding aaneenlopend plaas voordat die studente vir werksplekgeïntegreerde onderrig deur 'n werwingsagentskap, Ajani, by werkgewers geplaas word. Ná afloop van laasgenoemde is studente dan gereed om finaal te kwalifiseer vir die betrokke kwalifikasie.
In September 2013 skuif Sol-Tech na ’n groter perseel in Kirkney aan die westekant van Pretoria, waar studente in goed toegeruste werkswinkels en fasiliteite opleiding ontvang. Vandag maak meer as 100 hoogsgekwalifiseerde personeellede en ongeveer 1800 studente wat in verskillende stadia van hul kwalifikasies is, deel van die personeel- en studentekorps uit.
Op 13 September 2019 is die eerste sooi van Sol-Tech se nuwe kampus langs die Lugmagbasis Waterkloof gespit.[1] Die oprigting van die nuwe kampus en koshuis-fasiliteite in Monumentpark beloop ongeveer R300 miljoen. In Januarie 2021 is die eerste studente op die nuwe kampus verwelkom.[2][3]
Verwysings
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.