Egiptiese farao From Wikipedia, the free encyclopedia
Hedjcheperre Setepenre Sjesjonk I (ook bekend as Sjesjonq I of Shoshenq I) was die eerste farao en stigter van Antieke Egipte se 22ste Dinastie. Hy het van omstreeks 943 tot 922 v.C. regeer. Hy was van Libiese afkoms.[1]
Sjesjonk I | ||||||||||||||||||||||||||||||||||||||||||
Hedjcheperre | ||||||||||||||||||||||||||||||||||||||||||
![]() | ||||||||||||||||||||||||||||||||||||||||||
’n Sfinks van farao Sjesjonk I (Brooklyn-museum, New York). | ||||||||||||||||||||||||||||||||||||||||||
Farao van die 22ste Dinastie | ||||||||||||||||||||||||||||||||||||||||||
Periode | 943-922 v.C. | |||||||||||||||||||||||||||||||||||||||||
Voorganger | Psoesennes II | |||||||||||||||||||||||||||||||||||||||||
Opvolger | Osorkon I | |||||||||||||||||||||||||||||||||||||||||
Vader | Nimlot A | |||||||||||||||||||||||||||||||||||||||||
Sjesjonk I in Egiptiese hiërogliewe | ||||||||||||||||||||||||||||||||||||||||||
| ||||||||||||||||||||||||||||||||||||||||||
|
Sjesjonk was die seun van Nimlot A, opperhoof van die Ma, en sy vrou, wat self ’n dogter van die opperhoof was. Hy word dalk in die Bybel genoem as Sisak (1 Kon 14:25; 2 Kro 12:1-12).
Die Libiese konsep van regering was die parallelle bestaan van leiers wat deur bloed of huwelike verbind was. Sjesjonk en sy onmiddellike opvolgers het op dié manier hul houvas oor die hele Egipte gekonsolideer. Hy het die erflike opeenvolging van die hoëpriesters van Amoen beëindig; hy en sy opvolgers het eerder mense, meestal hul eie seuns, in die posisie aangestel. Dié praktyk sou ’n eeu lank gevolg word[2]
Teen die einde van sy bewind het hy ’n aggressiewe buitelandse beleid in die Midde-Ooste gevolg. Dit blyk onder meer uit die basis van ’n standbeeld met sy naam op wat in Bublos, Libanon, ontdek is asook lyste stede in die streek wat op die mure van tempels van Amoen by al-Hibah en Karnak uitgekerf is.
Daar is egter geen melding van ’n aanval teen Jerusalem nie, en dit laat sommige geleerdes twyfel of hy wel die Bybelse Sisak was.[3] Van die verowerde stede sluit wel die name van Antieke Israeliese forte in.
Sjesjonk het ook veldtogte in Nubië en Palestina gevoer en verskeie stede in laasgenoemde verower.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.