Samarium(III)hidried

Samarium(III)hidried of samariumtrihidried is 'n soutagtige verbinding van samarium in sy +3 oksidasietoestand en waterstof met die chemiese formule SmH₃.

Eienskappe

Algemeen
Naam	Samarium(III)hidried
Struktuurformule van
Die LaF3-struktuur
Chemiese formule	SmH3
Molêre massa	153.38 [g/mol][1]
CAS-nommer	13598-32-8[1]
Voorkoms	grys vastestof met metaalglans; bruin poeier
Fasegedrag
Selkonstantes	a=653,9(1)pm, 676,7(2)pm (SmD3)[2]
Ruimtegroep	P3c1
Nommer	165
Strukturbericht	D0₂₁
Smeltpunt
Kookpunt
Digtheid	dx=6,22 [g/cm3]
Oplosbaarheid
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Daar is ander samariumhidriede soos SmH₂ en Sm₃H₇.^[3]

Kristalstruktuur

Samariumhidried kristallseer in die trigonale LaF₃-struktuur (tysoniet), oftewel die anti-Cu₃P struktuur (D0₂₁ in die strukturbericht-klassifikasie}.^[4] Dit het drie onafhanklike geordende deuteriumlae met trigonaal-planêre, trigonaalpiramidale en tetraëdriese metaalkoördinasie, met Sm-D-bindingslengtes in die gebied van 220(1)–258(1) pm (gemiddeld 235 pm).

By 'n druk van ongeveer 2.0 GPa is daar 'n fase-oorgang na 'n kubieke fase met a=537(2) pm.^[5]

Chemiese eienskappe

Samariumtrihidried en -trideuteried kan verkry word deur suiwer samariummetaal in 'n ystersmeltkroes onder 30 bar waterstof- of deuteriumgas twee dae lank by 700K te verhit.

${\displaystyle 2Sm(s)+3H_{2}\xrightarrow {30\ bar;\ 700K} 2SmH_{3}(s)}$

Fisiese eienskappe

Die deuteried SmD₃ is gebruik om die struktuur met neutrondiffraksie te bepaal, omdat ¹₁H sterk absorbeer en inkoherente verstrooiing veroorsaak. Samarium in sy natuurlike isotoopsamestelling (^natSm) is ook sterk absorberend maar hierdie probleem kan oorkom word deur 'n geskikte golflengte van die neutronestraal te kies (λ=49,396pm).

Die verbinding is nie-metalliek en paramagneties tot baie lae temperature. Die magnetiese gevoeligheid volg Curie-Weiss se wet met 'n ekstra konstante term:

${\displaystyle \chi =\chi _{o}+{\frac {C}{T-\theta _{P}}}}$

Hierdie ekstra konstante word ook vir ander samariumverbindings aangetref. Die Curiekonstante C lewer 'n effektiewe magnetiese moment μ_eff = 0,63(1)μ_B wat effens laer is as die waarde van die vrye Sm³⁺-ioon (0,845(1)μ_B)). Die waarde van θ_P= -4(1)K wys op swak antiferromagnetiese korrelasies.