SV Dessau 05 is 'n Duitse sokkerklub uit Dessau in die deelstaat Sakse-Anhalt.
 | |
| Volledige naam | Sportverein Dessau 1905 e.V. |
| Stigtingsdatum | 1905 |
| Tuisveld | Schillerpark, Dessau; Paul Greifzu-stadion, Dessau |
| Kapasiteit | 5 000 ; 20 728 |
| Kompetisie | Oberliga Noordoos-Suid |
De klub is in Julie 1905 gestig as FC Adler en het in Oktober van dieselfde jaar met 'n kerklike jeuggroep, Jugendvereins zu St. Johannis, saamgesmelt en so Dessauer FC geword. Na die Eerste Wêreldoorlog het die klub by Sportlichen Vereinigung BAMAG Dessau aangesluit om VfR Dessau 1905 te vorm. Twee jaar later het die klub met SpVgg Dessau saamgesmelt om SV Dessau 05 te vorm.
Na die reorganisasie van die Duitse kompetisie in 1933 onder impuls van die Derde Ryk het die klub in die Gauliga Mitte gespeel en was daar een van die sterkste spanne. Van 1937 tot 1939 was die klub 3 keer in 'n ry die kampioen en van 1942 tot 1944 weer drie keer in 'n ry. In die eindronde om die Duitse kampioenskap is Dessau egter elke slag vroeg uitgeskakel en uit die 6 pogings is die eerste rondte slegs een keer oorleef. Die klub het in 1942 die kwarteindronde van die Tschammerpokal gehaal.
Na die Tweede Wêreldoorlog is omtrent alle Duitse klubs ontbind en Dessau is aan die einde van 1945 weer herstig as Blau-Weiß Dessau. Soos gebruiklik in Oos-Duitsland is die klub se naam gereeld verander: Sport-Union Dessau (1947), SG Dessau-Nord (1948), BSG Waggonbau Dessau (1949), BSG Waggonfabrik Dessau (Augustus 1949) en BSG Motor Dessau (Februarie 1950).
Waggonbau Dessau het die eerste uitklopbeker van Oos-Duitsland in 1949 gewen ( 1-0 teen BSG Gera-Süd). Van 1949 tot 1954 het die klub in die DDR-Oberliga gespeel en in 1949 die 3de plek behaal. Hierna is die klub egter na die laer ligas gerelegeer en het die vandag ontbinde FC Anhalt Dessau die stad se vlagskip geword.
In 1989 is die klub se naam weer verander na SV Waggonbau Dessau en op 22 April 1995 het die klub weer sy tradisionele naam SV Dessau 05 aangeneem.
Dessau se tradisionele tuisveld is Schillerpark in Dessau waar die meeste van hulle wedstryde gespeel word. Groot wedstryde word egter in die Paul Greifzu-stadion gespeel. Die Paul Greifzu-stadion is die grootste stadion in die stad en was voorheen die tuisveld van die ontbinde FC Anhalt Dessau.
- FDGB-Pokal
- 1949
|
|
| Oberliga Noordoos-Suid 2006/07-seisoen | |
|
VfB Auerbach | Budissa Bautzen | Chemnitzer FC | FC Energie Cottbus II | SV Dessau 05 | FV Dresden-Noord | FC Eilenburg | FC Rooiwit Erfurt II | VfB Germania Halberstadt | Hallescher FC | FC Carl Zeiss Jena II | FC Sachsen Leipzig | ZFC Meuselwitz | VFC Plauen | VfB Pößneck | FSV Zwickau | |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
