Rajasthani

Rajasthani (राजस्थानी, Rājasthānī) verwys na 'n groep Indo-Ariese tale en dialekte wat veral in die Indiese deelstaat Rajasthan en aangrensende gebiede van Haryana, Punjab, Gujarat en Madhya Pradesh in Indië gebesig word. In die Pakistanse provinsies Sindh en Punjab word ook Rajasthani gebesig.^[2] Rajasthani word deur sowat 50 miljoen mense gebesig. Op watter wyse Rajasthani van Hindi verskil is omstrede, al is vir die erkenning van Rajasthani as 'n eie taal deur die Indiese regering gepleit. Rajasthani is nou verwant aan Marwari.

Rajasthani राजस्थानी, Rājasthānī
Gepraat in:	Indië
Gebied:	Suid-Asië
Totale sprekers:	50 miljoen[1]
Taalfamilie:	Indo-Europees  Indo-Irannees   Indo-Aries    Wes-Indo-Aries     Rajasthani-Marwari      Rajasthani
Skrifstelsel:	Devanagari
Taalkodes
ISO 639-1:	geen
ISO 639-2:	raj
ISO 639-3:	onderskeidelik: bgq – Bagri gda – Gade Lohar gju – Gujari mki – Dhatki mup – Malvi wbr – Wagdi hoj – Hadothi lmn – Lambadi lrk – Loarki noe – Nimadi

Rajasthani is al as 'n dialek van Hindi beskou. Reeds aan die begin van die 20ste eeu het taalkundiges dit as 'n taal op sy eie beskou. Later het taalkundiges saamgestem dat Rajasthani eintlik 'n groep dialekte is of selfs 'n groep geografies aangrensende en nou verwante tale, waardeur dit ook as 'n taalgroep beskou kan word.

Rajasthani het geen amptelike standaardisering ondergaan nie en word gekenmerk deur 'n dialekkontinuum wat byvoorbeeld die aangrensende Gujarati, Bhili en Hindi insluit. Die hoofddialek of taal Marwari is die mees gebesigte dialek of taal van Rajasthani.

Verwysings

1. (en) "Scheduled Languages in descending order of speaker's strength – 2011" (PDF). Registrateur-generaal en sensuskommissaris van Indië. 29 Junie 2018. Besoek op 7 Julie 2018.
2. (en) Census of India, 2001. Rajasthan. New Delhi: Government Press

Eksterne skakels

• Wikimedia Commons het meer media in die kategorie Rajasthani.