Dom Pedro, Keiser van Brasilië (Pedro I) en Koning van Portugal (Pedro IV) (12 Oktober 1789 tot 24 September 1834) het Brasilië onafhanklik verklaar en die Brasiliaanse Keiserryk gestig.
Pedro I (Brasilië), Pedro IV (Portugal) | |
---|---|
Keiser van Brasilië en Koning van Portugal | |
![]() Pedro I | |
Vorstehuis | Braganza |
Titels | Keiser van Brasilië en Koning van Portugal |
Regeer | 12 Oktober 1822 tot 7 April 1831 (Keiserryk Brasilië) 10 Maart 1826 tot 28 Mei 1826 (Koninkryk Portugal) |
Kroning | 1 Desember 1822 |
Voorganger | John VI |
Opvolger | Maria II (Portugal) Dom Pedro II (Brasilië) |
Volle naam | Pedro de Alcântara Francisco António João Carlos Xavier de Paula Miguel Rafael Joaquim José Gonzaga Pascoal Cipriano Serafim de Bragança e Bourbo |
Gebore | 12 Oktober 1798; Lissabon, Portugal |
Oorlede | 24 September 1834; Lissabon, Portugal |
Begrawe | |
Eggenoot | Maria Leopoldina van Austria Amélia van Leuchtenberg |
Kinders | Maria II Januária Maria Francisca Pedro II Maria Amélia |
Vader | John VI |
Moeder | Carlota Joaquina de Bourbon |
Agtergrond
Dom Pedro is in die Queluz paleis naby Lissabon gebore as Pedro de Alcântara Francisco António João Carlos Xavier de Paula Miguel Rafael Joaquim José Gonzaga Pascoal Cipriano Serafim de Bragança e Bourbo. Hy was die tweede seun van die koninklike egpaar. Toe sy ouer broer Antonio Francisco in 1801 sterf, ontvang Dom Pedro die titel prins van Beira en word die tweede in lyn van die Portugese kroon. In 1807 vlug die koninklike familie uit Lissabon en arriveer in Brasilië in 1808 waar hulle vir die volgende 13 jaar sou bly. Hul teenwoordigheid het bygedra dat Rio de Janeiro die de facto hoofstad van die Portugese koninkryk geword het. Met die dood van Koningin Maria I word Dom Pedro se vader gekroon as Koning John VI. Dom Pedro ontvang die titel Prins van Brasilië en Hertog van Braganza. Op 5 November 1817 trou hy met Groothertoging Maria Leopoldina van Oostenryk.
Brasiliaanse Onafhanklikheid
Toe Koning Johannes VI terug na Portugal vertrek het, het hy van die voorregte ontneem. Dom Pedro het in Brasilië agtergebly en op 7 September 1820 op die oewer van die Ipiranga rivier sy swaard uitgetrek en onafhanklikheid van Portugal verklaar. Op 12 Oktober is hy as Keiser van Brasilië verklaar en op die eerste Desember as Keiser gekroon.
Dom Pedro I het die titel keiser in plaas van koning gekies om die verskeidenheid van die Brasiliaanse kultuur te beklemtoon asook die feit dat Napoleon die term keiserryk beklemtoon het as 'n moderne idee. Met die dood van sy vader Koning Johannes VI op 10 Maart 1826, proklameer Dom Pedro homself as Koning Pedro IV van Portugal maar moes ten gunste van sy dogter Maria II, toe sewe jaar oud, abdikeer.
Op 17 Oktober 1829 trou hy met sy tweede vrou prinses Amelie de Beauharnais von Leuchtenberg.
Terugkeer na Portugal
Te midde van 'n ekonomies- en politieke krisis abdikeer Dom Pedro ten gunste van sy seun Dom Pedro II op 7 April 1831(wat 5 jaar oud was). Hy gebruik toe weer sy ou titel as Hertog van Braganza. Dom Pedro sterf later op die ouderdom van 36 in die stad van sy geboorte aan tuberkulose.
Bronnelys
- Hierdie artikel is 'n gedeeltelike vertaling van die Engelse Wikipedia artikel Pedro I of Brazil.
- Fausto, Boris. A Concise History of Brazil. Vertaal deur Arthur Brakel. New York: Cambridge University Press, 1999.
- Manchester Alan K. The Paradoxical Pedro, First Emperor of Brazil. The Hispanic American Historical Review, Vol. 12, No. 2. (May, 1932), pp. 176-197.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.