![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2f/TheIrregulars_JUPITER_Pasiphae_CORE_i.svg/langaf-640px-TheIrregulars_JUPITER_Pasiphae_CORE_i.svg.png&w=640&q=50)
Pasifaë-groep
From Wikipedia, the free encyclopedia
Die Pasifaë-groep is ’n groep onreëlmatige mane van Jupiter waarvan die wentelbane ooreenstem met dié van die grootste maan in die groep, Pasifaë, en wat waarskynlik dieselfde oorsprong het.
![Thumb image](http://upload.wikimedia.org/wikipedia/commons/thumb/2/2f/TheIrregulars_JUPITER_Pasiphae_CORE_i.svg/320px-TheIrregulars_JUPITER_Pasiphae_CORE_i.svg.png)
Die voorwerpe in die groep se afstand van Jupiter is in die omgewing van 22,8 en 24,1 gigameter, dieselfde as die Karme-groep. Hulle het ’n inklinasie van tussen 144,5° en 158,2° en ’n eksentrisiteit van tussen 0,25 en 0,43. Die vernaamste lede van groot tot klein is:[1]
- Pasifaë
- Sinope
- Kallirroë
- Megaklite
- Autonoë
- Euridome
- Sponde
Die Internasionale Astronomiese Unie (IAU) gee name wat op "e" eindig aan die mane in dié groep.