Moutatoe
From Wikipedia, the free encyclopedia
From Wikipedia, the free encyclopedia
’n Moutatoe of volarmtatoe (Engels: sleeve tattoo) is ’n omvattende tatoeëermerk of ’n versameling kleiner tatoes met ’n gemeenskaplike tema wat iemand se hele arm bedek, gewoonlik van die skouer tot die pols.
Daar is ’n verskil tussen ’n arm vol tatoes en ’n moutatoe. Laasgenoemde het ’n gemeenskaplike tema, terwyl eersgenoemde tatoes in verskillende style bevat wat nie met mekaar verband hou nie.
Die term "mou" verwys na die ooreenkoms met die mou van ’n langmouhemp. Half- of kwartmoutatoes is tatoeëermerke wat net ’n deel van die arm bedek, bo of onder die elmboog. ’n Halfmoutatoe bedek die hele bo- of anderarm, terwyl ’n kwartmoutatoe gewoonlik van die skouer halfpad na die elmboog strek.[1]
Moutatoes is ’n samewerking tussen ’n tatoekunstenaar en ’n kliënt om ’n persoonlike en eenvormige kunstema te skep. Soms word ’n moutatoe geskep deur ’n klomp kleiner tatoes aan iemand se arm met agtergrondtatoeëring te verbind. ’n Beplande moutatoe verg ure se werk en kan maande of jare duur om te voltooi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
