Messier 102

Messier 102 of M102 is ’n sterrestelsel in die Messier-katalogus wat nie sonder twyfel geïdentifiseer is nie. Die oorspronklike ontdekker daarvan, Pierre Méchain, het later gesê dit was ’n herwaarneming van Messier 101,^[1] maar sommige sterrekundiges glo dit kon NGC 5866 gewees het,^[2] hoewel ander sterrestelsels ook genoem word as moontlikhede.

Messier 101 soos gesien deur die Hubble-ruimteteleskoop.
Bron: Nasa/ESA.

Messier 101 (ook bekend as die Windmeul-sterrestelsel of NGC 5457) is ’n spiraalsterrestelsel in die sterrebeeld Groot Beer. In ’n brief in 1783 het Méchain beweer M102 is ’n foutiewe duplikasie van M101 in die katalogus.^[3][4]

NGC 5866, soos gesien deur die Hubble-ruimteteleskoop.
Bron: Nasa/ESA.

NGC 5866, een van die sterrestelsels wat bekend is as die Spil-sterrestelsel, is ’n lensvormige stelsel in die sterrebeeld Draak. Die voorwerp voldoen aan die beskrywing deur Méchain in die gedrukte weergawe van die Messier-katalogus van 1781, asook aan die posisie van die voorwerp soos aangeteken deur Charles Messier in handgeskrewe notas op sy persoonlike lys.^[4]

Verwysings

1. O'Meara, Stephen James. "M102: Mystery Solved", Sky and Telescope, volume 109, nommer 3, bl. 78, Maart 2005
2. Smith, William Henry. A Cycle of Celestial Objects, 1844
3. K.G. Jones (1991). Messier's Nebulae and Star Clusters (2de uitgawe uitg.). Cambridge: Cambridge University Press. ISBN 0-521-37079-5.
4. H. Frommert, 2006. "Messier 102: Status der Identifizierung dieses Messier-Objekts" (In Duits). Journal für Astronomie, No. 19 (I/2006), bl. 69–71 (Januarie 2006)

Eksterne skakels

• SEDS Messier pages: Messier 102
• SEDS Messier pages: The Messier 102 Controversy
• Messier 102 op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
• Wikimedia Commons het meer media in die kategorie Messier 102.
• Hierdie artikel is vertaal uit die Engelse Wikipedia