Luxor Internasionale Lughawe

Luxor Internasionale Lughawe (IATA: LXR – ICAO: HELX) is die hooflughawe wat die stad Luxor, Egipte bedien. Dit is 6 km oos van die stad geleë. Heelwat huurlugrederye gebruik die lughawe, aangesien dit 'n gewilde toeristebestemming is vir diegene wat die Nylrivier en die Vallei van die Konings besoek.

Uitsig oor Luxor Internasionale Lughawe

Luxor Aerodrome-terminaal 1961

Luxor Internasionale Lughawe
IATA: LXR – ICAO: HELX
Opsomming
Tipe lughawe		Openbaar, Militêr
Operateur		Egiptiese Lughawemaatskappy
Bedien		Luxor, Egipte
Hoogte bo seevlak		294 vt / 90 m
Koördinate		25°40′15″N 32°42′23″E
Landkaart
LXR Ligging van die lughawe in Egipte
Aanloopbane
Rigting	Lengte		Oppervlak
	m	vt
02/20	3,000	9,843	Asfalt
Bronne: Airport web site[1] en DAFIF[2]

Fasiliteite

In 2005 is die lughawe opgegradeer^[3] om tot 8 miljoen passasiers per jaar te akkommodeer. Fasiliteite vir passasiers sluit in 48 inkloktoonbanke, 8 hekke, 5 bagasie-eisgordels, 'n poskantoor,^[4] bank,^[4] outomatiese geldruilmasjien, restaurante, kafeteria's, BBP-sitkamer, belastingvrye winkel,^[3] koerantwinkel/tabakwinkel, apteek, geskenkwinkel, reisagentskap,^[4] toeriste-hulptoonbank, motorhuur, noodhulp, 'n baba-/ouerkamer, toegang vir gestremdes en 'n sakesentrum.^[4]

Fasiliteite vir vrag sluit in verkoelde berging, dierekwarantyn, veehantering, gesondheidsbeamptes, X-straaltoerusting en berokingstoerusting. Die vragterminaalhanteringsagent vir die lughawe is EgyptAir Cargo.

Ongelukke en voorvalle

• Op 21 September 1987 het 'n EgyptAir Airbus A300 tydens 'n oefenvlug neergestort en al vyf bemanningslede aan boord het gesterf.

• Op 6 April 1994 is 'n Sudan Airways Boeing 737-200 gekaap en na Luxor herlei. Met die landing het die kaper hom aan die owerhede oorgegee. Daar was geen sterftes of beserings nie en die vliegtuig is nie beskadig nie.
• Op 20 Februarie 2009 het 'n Antonof An-12 vragvliegtuig neergestort nadat 'n enjin met opstyg aan die brand geslaan het. Al vyf bemanningslede is dood.

Verwysings

1. Luxor Airport, no longer an official web site
2. "Airport information for HELX". World Aero Data. Geargiveer vanaf die oorspronklike op 5 Maart 2019.{{cite web}}: CS1 maint: unfit URL (link)
3. "History of Luxor Airport (LXR): Airport History and Facts, Luxor Area, Egypt". www.luxor-lux.airports-guides.com. Besoek op 2 Junie 2017.
4. "Luxor Airport (LXR) Airlines and Terminals: Airlines at Airports in Luxor Area, Egypt". www.luxor-lux.airports-guides.com. Besoek op 2 Junie 2017.