Konjunktuur (of sakesiklus) is die term wat dui op die sogenaamde golfbewegings van 'n land se ekonomie. 'n Land se ekonomie is baie selde stabiel en word gekenmerk deur periodes van relatiewe voorspoed en teenspoed. In die ekonomie verwys konjunktuur na die verskynsel dat fases van voorspoed en depressie mekaar afwissel. Die eerste formele sakesiklusnavorsing is in die eerste helfte van die twintigste eeu deur Wesley Mitchell en Arthur Burns in die VSA onderneem.
Die konjunktuurgolf word verdeel in verskillende fases wat mekaar opvolg. Kortliks is dit die volgende:
- Herlewing ná depressie. In hierdie fase is daar stygende voorspoed waarin alle ekonomiese faktore, soos indiensneming, lone, produksie, pryse, winste, verbruik en belegging, verbeter.
- Krisis aan die bopunt van voorspoed. Die voorspoedfase het nou sy maksimum bereik. Pryse is hoog; almal het werk en verdien goeie lone of salarisse of maak goeie winste.
- Dalende fase. Werkloosheid begin ontstaan, lone, pryse, en winste daal, produksie en verbruik neem af en beleggings verminder.
- Laagtepunt en depressie. Algehele ekonomiese probleme heers. Werkloosheid is algemeen, winste is gering, beleggings het omtrent verdwyn, en dié wat nog werk se salarisse en lone is maar karig. Uit dié laagtepunt begin die herlewing weer.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
