From Wikipedia, the free encyclopedia
Koemkwate of kumkwate (soms verkeerdelik gespel: koemkwart of kumkwart) (Fortunella japonica of Citrus japonica) is 'n groep van kleinerige sitrusbome. Hulle behoort óf tot die genus Fortunella óf tot die genus Citrus sensu lato. Hulle dra eetbare vrugte wat baie soos lemoene lyk, maar is kleiner en ovaalvormig. Die vrugte is gewoonlik suur, maar die skil is soet. Gevolglik word dit gewoonlik met skil en al geëet. Dit is ook geskik vir die kook van konfyt en ander kossoorte. Die naam "koemkwat" is afgelei van die Kantonese woord "gam gwat".
Koemkwat Kumkwat | |
---|---|
![]() | |
Die Maleise koemkwat – blare en vrugte. | |
Wetenskaplike klassifikasie | |
Koninkryk: | |
(geen rang): | Angiosperm |
(geen rang): | |
(geen rang): | |
Orde: | |
Familie: | |
Subfamilie: | Aurantioideae |
Tribus: | Citreae |
Genus: | |
Spesie: | F. japonica of C. japonica |
Binomiale naam | |
Fortunella japonica of Citrus japonica | |
Koemkwate is stadiggroeiende immergroen struike of korterige bome. Hulle word van 2,5 tot 4,5 meter hoog en het digte blare. Die blomme is wit soos die van ander sitrus-spesies. Afhangende van die plant se grootte kan dit honderde of selfs duisende vrugte per jaar dra.
Die plant is inheems aan die suidelike en kus-gedeeltes van Asië. Die eerste historiese verwysing na koemkwate verskyn in die 12de eeu in Chinese letterkunde. Hulle word al 'n geruime tyd in Japan, Taiwan, die Filippyne en Suidoos-Asië verbou. Dit is in 1846 deur Robert Fortune na Europa geneem, en kort daarna na Noord-Amerika.
![]() |
Wikimedia Commons bevat media in verband met Fortunella. |
![]() |
Sien koemkwat in Wiktionary, die vrye woordeboek. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.