Klein Arcana
From Wikipedia, the free encyclopedia
From Wikipedia, the free encyclopedia
Die Klein Arcana is die stelkaarte (kleurkaarte) in 'n pak tarotkaarte wat vir waarsêery gebruik word. Gewone tarotkaarte het in die 1440's die eerste keer in Noord-Italië verskyn en is ontwerp om kaartspeletjies mee te speel.[1] Hulle bestaan gewoonlik uit vier stelle van 10 ongeïllustreerde kaarte van aas tot 10, en vier prentkaarte. Tarotspeletjies word nog algemeen in Sentraal- en Suid-Europa gespeel, en Franse tarot is die naasgewildste kaartspel in Frankryk.
In teenstelling hiermee het tarotkaarte vir waarsêery in die laat 18de eeu in Frankryk ontstaan. Die terme "Groot Arcana" en "Klein Arcana" het hulle oorsprong by Jean-Baptiste Pitois (1811-'77), wat onder die naam Paul Christian geskryf het.[2] In hulle huidige vorm is die Klein Arcana dikwels geïllustreer; 'n konvensie wat in 1910 gewild geraak het danksy die Rider-Waite-tarot. As hulle saam met 'n kaart van die Groot Arcana in waarsêery gebruik word, dui die Klein Arcana-kaarte op klein besonderhede en daaglikse insigte.[3]
Tarotkaarte vir waarsêery is geskoei op die Italiaanse speelkaarte en het gewoonlik 56 kaarte, met 14 in elke stel: Stawe (ook knuppels, klawers of towerstawwe), Bekers (ook kelke, drinkbekers), Swaarde (ook lemme) en Pentagramme (ook munstukke, skywe of ringe). Die vier prentkaarte is gewoonlik die boer, ridder, vrou/koningin en heer/koning. Latere pakke wat op die Franse speelkaarte van klawers (♣), harte ( ), skoppens (♠) en diamante ( ) geskoei is, het net drie prentkaarte per stel: 'n boer, vrou en heer.
In okkulte tarot verteenwoordig die Klein Arcana relatief alledaagse aspekte van die lewe. Die prentkaarte verteenwoordig die mense wat jy ontmoet.
Elke stel het eiesoortige eienskappe en verbintenisse wat gewoonlik die volgende behels:[4]
Latynse speelpak | Franse speelpak | Element | Klas | Eienskappe |
---|---|---|---|---|
Bekers (ook kelke, drinkbekers) | Hartens | Water | Geestelikes | Emosies en liefde |
Pentagramme (ook munstukke, skywe of ringe) | Ruitens | Aarde | Handelaars | Materiële, besittings |
Stawe (ook knuppels, klawers of towerstawwe) | ♣️ Klawers | Vuur | Ambagsmanne | Kreatiwiteit en wil |
Swaarde (ook lemme) | ♠️ Skoppens | Lug | Adellikes en militêre | Rede, wysheid en intellek |
Die illustrasies hier onder is van die Rider-Waite-tarot, 'n gewilde pak kaarte. Dit is opgedeel in stelle en volgens waarde.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.