Kettingreaksie
From Wikipedia, the free encyclopedia
'n Kettingreaksie is 'n volgorde van reaksies waar 'n reaktiewe produk, of 'n neweproduk addisionele reaksies veroorsaak. In 'n kettingreaksie lei positiewe terugvoer tot 'n self-onderhoudende en vergrotende ketting van gebeurtenisse. Dit moet nie verwar word met 'n multi-stap reaksie nie, wat algemeen voorkom in anorganiese en organiese sintese.
![Thumb image](http://upload.wikimedia.org/wikipedia/commons/4/4f/Nuclear_explosion_at_the_Nevada_Test_Site_on_September_14%2C_1957_of_the_19th_test_of_Operation_Plumbbob_code_name_FIZEAU._From-_Plumbbob_Fizeau_001_%28cropped%29.jpg)
Kettingreaksies is een manier waardeur stelsels wat nie in termodinamiese ewewig is nie, energie kan vrystel of entropie kan verhoog om sodoende 'n toestand van hoër entropie te bereik. 'n Stelsel kan byvoorbeeld nie in staat wees om 'n laer energietoestand te bereik deur energie aan die omgewing vry te stel nie, want dit word belemmer of verhinder om op die een of ander manier die reaksie te voltooi wat tot die vrystelling van energie lei. As 'n reaksie lei tot 'n klein energievrystelling wat meer energie vrystel in 'n uitbreidende ketting, sal die stelsel gewoonlik plofbaar ineenstort totdat baie of al die gestoorde energie vrygestel is.
'n Makroskopiese vergelyking vir kettingreaksies is 'n sneeubal wat al groter word totdat daar uiteindelik 'n sneeustorting ontstaan (die "sneeubaleffek"). Dit is die gevolg van gestoorde swaartekrag- potensiële energie wat 'n pad van vrystelling bo wrywing soek. Chemies gelykstaande aan 'n sneeustorting is 'n vonk wat 'n bosbrand veroorsaak. In kernfisika kan 'n enkele verdwaalde neutron 'n vinnige kritieke gebeurtenis tot gevolg hê, wat uiteindelik energiek genoeg kan wees vir die ineenstorting van 'n kernreaktor of 'n kernbomontploffing.