KV35

Graf KV35 is die grafkelder van farao Amenhotep II in die oostelike deel van die Vallei van die Konings in Luxor, Egipte. Dit is later gebruik as die bewaarplek van ander koninklike mummies. Die grafkelder is in Maart 1898 deur Victor Loret ontdek.

KV35
Die grafkelder van Amenhotep II
Die grafkelder, met tonele van die Amdoeat.
Ligging	Vallei van die Konings
Land	Egipte
Ontdek	9 Maart 1898
Uitgrawings deur	Victor Loret
← Vorige KV34 Volgende → KV36

Die laaste deel van die grafkelder, waar die oorspronklike sarkofaag op 'n gesonke deel ontdek is.

Uitleg en geskiedenis

Die kelder het 'n L-vorm, wat tipies is van graftombes van die 18de Dinastie, maar verskeie eienskappe maak dié een ongewoon. Die grafkamer is reghoekig en in laer en hoër seksies met pilare verdeel. Die onderste deel bevat die sarkofaag van die koning. Dié styl het in die Nuwe Ryk kenmerkend van grafkelders geword.

Later is die grafkelder gebruik as bewaarplek vir ander mummies, wat in die Derde Oorgangstydperk hierheen geskuif is en aan inskripsies uitgeken kon word. Die mummies van die volgende individue is hier ontdek:^[1][2]

• Amenhotep II (die oorspronklike eienaar van die grafkelder wie se lyk in die oorspronklike sarkofaag ontdek is)

Sykamer:

• Toetmoses IV
• Amenhotep III
• Merneptah
• Seti II
• Siptah
• Ramses IV
• Ramses V
• Ramses VI
• Koningin Tije, ook bekend as die "Ouer Dame", wat in Februarie 2010 met DNS-toetse uitgeken is.
• 'n Prins, wat uitgeken is as Webensenu, die seun van Amenhotep II, of Toetmoses, die oudste seun van Amenhotep III en Tije.
• Die Jonger Dame, wat in Junie 2003, as Nefertiti uitgeken is. Sommige het geglo dit is die mummie van 'n man.^[3] In Februarie 2010 is egter met DNS-toetse vasgestel dit was die mummie van 'n vrou van Achenaten en die biologiese moeder van Toetankamen. Sy was die dogter van Tije en Amenhotep III, wat haar die suster én vrou van Achenaten maak). Haar naam is onbekend.
• 'n "Onbekende vrou D", wat dalk Tawosret is.
• Twee kopbene is in die put ontdek en 'n onbekende arm saam met die "Jonger Dame". 'n Liggaam op 'n boot is aan die begin van die 20ste eeu gesteel of vernietig.

Verwysings

1. Theban Mapping Project – Site History
2. www.narmer.pl – Valley of the Kings – KV35.
3. CBC News: Blockbuster Science – More 'Daddy' than 'Mummy'? Geargiveer 4 Mei 2007 op Wayback Machine

Skakels

• William Max Miller's Theban Royal Mummy Project
• Wikimedia Commons het meer media in die kategorie KV35.
• Hierdie artikel is in sy geheel of gedeeltelik uit die Engelse Wikipedia vertaal.