From Wikipedia, the free encyclopedia
KV11 is die grafkelder van Ramses III in die Vallei van die Konings by Thebe, naby die moderne stad Luxor in Egipte. Bouwerk aan die grafkelder is begin deur farao Setnachte, maar bouwerk is gestaak toe per ongeluk na die vroeëre grafkelder van Amenmesse (KV10) deurgebreek is. Setnachte is in KV14 begrawe.
KV11 | ||
Grafkelder van Ramses III | ||
![]() | ||
Ligging | Vallei van die Konings | |
Land | ![]() | |
Ontdek | Oop sedert antieke tye | |
Uitgrawings deur | Onbekend | |
Versiering | Klaaglied van Re; Boek van Poorte; Amdoeat; Mondopeningseremonie; Dodeboek | |
KV11 is later oorgebou en met 'n ander as vir Ramses III uitgebrei. Die grafkelder is sedert antieke tye oop.
Die grafkelder van 188 meter lank is pragtig versier. In die tweede gang is muurskilderings van die Klaaglied van Re, en in die derde gang van die Boek van Poorte en die Amdoeat. Dit lei na 'n saal met vier pilare. Dit is ook versier met die Boek van Poorte. 'n Vierde gang is versier met tonele van die Mondopeningseremonie en lei na 'n voorhof, wat versier is met tonele uit die Dodeboek. Dit lei na die grafkamer.
Die grafkamer het agt pilare, en daarin staan die sarkofaag van rooi kwartsiet.[1] Die kamer is versier met die Boek van Poorte en die Boek van die Aarde. Die buitekant van die sarkofaag bevat twee tonele uit die Amdoeat.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.