From Wikipedia, the free encyclopedia
Johannes Nicolaus Brønsted (* 22 Februarie 1879 Varde (Jutland) - † 17 Desember 1947 Kopenhagen) was 'n Deense fisies-chemikus.
| Johannes Nicolaus Brønsted | |
 | |
| Gebore | 22 Februarie 1879 Varde, Denemarke |
|---|---|
| Oorlede | 17 Desember 1947 (op 68) Kopenhagen, Denemarke |
| Blyplek | Kopenhagen, Denemarke |
| Nasionaliteit |  Denemarke |
| Vakgebied | fisiese chemie |
| Instelling(s) | Universiteit van Kopenhagen |
| Alma mater | Universiteit van Kopenhagen |
| Bekend vir | Brønsted-Lowry suur-basis-teorie Brønsted se katalise vergelyking |
Brønsted het in 1899 afgestudeer as chemiese ingenieur aan die Universiteit van Kopenhagen, waar hy in 1908 ook sy doktoraat behaal het en aangestel is as professor in anorganiese en fisiese chemie.
In 1906 publiseer hy sy eerste werk oor "affiniteit", en in 1923 volg hy dit op met sy teorie oor die reaksies tussen sure en basisse. Hy beskryf díe reaksies as 'n uitwisseling van protone. Sy teorie is opgestel gelyktydig met, maar onafhanklik van die amper identiese teorie van die Britse chemikus Thomas Lowry, en hulle werk word nou die Brønsted-Lowry-teorie genoem.
In dieselfde jaar, 1923, het ook Gilbert Lewis 'n teorie oor suur-basisreaksies gepubliseer, wat egter op 'n andere beginsel, die uitwisseling van elektronpare gebaseer is. Beide teorieë, Brønsted-Lowry en Lewis word vandag baie toegepas.
Andere onderwerpe wat sy aandag getrek het is die skeiding van isotope in samewerking met G. Hevesy en die oplosbaarheid van soute in oplossings wat andere soute bevat het en die aktiwiteite wat dit beskryf. Saam met Victor K LaMer het hy in 'n oplosbaarheidsstudie eksperimentele bevestiging gevind vir die teorie van Petrus Debye en Erich Hückel oor de aktiwiteitskoëffisiënte vir baie verdunde oplossings. Brønsted was 'n outoriteit op die gebied van die katalise deur toevoeging van sure of basisse. Die Brønsted-katalisevergelyking is na hom vernoem.
In die Tweede Wêreldoorlog het hy teen die nazi-besetting geageer en na die bevryding van Denemarke in 1945 het hy betrokke geraak by die politiek en is verkies tot die Deense parlement in 1947. Siekte het hom egter verhinder om sy setel te beset en hy is kort na sy verkiesing oorlede.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
