From Wikipedia, the free encyclopedia
Hermann Hoth (12 April 1885 - 25 Januarie 1971) was 'n Duitse leërbevelvoerder en oorlogsmisdadiger tydens die Tweede Wêreldoorlog. Hy het geveg in die Slag van Frankryk en as pantserkommandant aan die Oostelike Front. Hoth was in bevel van die 3de Pantser-groep tydens Operasie Barbarossa in 1941 asook die 4de Pantser-leër tydens die Wehrmacht se somer-offensief in 1942.
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Nadat die 6de leër tydens die Slag van Stalingrad in November 1942 omring is het die pantserleër van Hoth sonder sukses probeer om dit tydens Operasie Winterstorm te ontset. Na Stalingrad was Hoth betrokke in die Derde Slag van Kharkov, die Slag van Kursk in die somer van 1943, en die Slag van Kiëf.
Hoth het die kriminele kommissarisorde tydens die inval in die Sowjetunie geïmplementeer. Na die oorlog is Hoth skuldig bevind aan oorlogsmisdade en misdade teen die mensdom in die verhoor van die Hoë-kommando en tot 15 jaar tronkstraf gevonnis. Hy is in 1954 op parool vrygelaat.