From Wikipedia, the free encyclopedia
harman/kardon is 'n afdeling en handelsmerk van Harman International Industries wat hoëtrou- en motorklankstelsels ontwerp en vervaardig.
Afdeling en handelsmerk van
Produkte
Hoëtrou- en motorklankstelsels
Die onderneming is in 1953 deur Sidney Harman (1918-2011) en Bernard Kardon gestig - twee baanbrekers van die hoëtroubedryf wat groot belang in musiek en kunste gestel het en met hul tegniese ontwikkelings lewensgetroue klankweergawe nagestreef het.
Hul eerste produk was 'n FM-ontvanger. Een jaar ná die stigting van hul onderneming het Harman en Kardon die eerste hoëtrouklank-ontvanger ter wêreld, die Festival D1000, bekend gestel. Hierdie produk, wat nog monoklank gelewer het, was nie net op verbruikers sonder tegniese vaardighede gemik nie, maar het ook baanbrekende innovasies soos 'n radio-ontvanger, die beheer van ander oudiokomponente en 'n versterker in 'n enkele chassis behels.
In 1958 het harman/kardon die eerste stereo-ontvanger, die Festival TA230, ingevoer - weer eens in 'n poging om hoëtrouklank vir 'n wye spektrum van verbruikers beskikbaar te maak. Om stereoklank te genereer is een kanaal van die AM- en een van die FM-band gebruik. Die eerste multipleks-FM-stereo-ontvanger is in 1961 met H. H. Scott se Model 350-ontvanger op die mark ingevoer.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
